Ki kyndon ialap elekshon ka dorbar shnong Loom Soo Iung Newhill

Syllad | The Rising MeghalayaJanuary 31, 2023

Ka Dorbar Shnong Loom Soo Iung Newhill, Jowai lyngba u waheh shnong ma Marsanki Pakma kala pyntip paidbah ha kaba iadei bad ki kyndon Election Campaign ne ka jingialap elekshon ki party bapher bapher na ka bynta ka election MLA kaba ka jingthep vote kan long haka 27 tarik Rymphang.

Kine harum ki kyndon kiba la buh ka Dorbar Shnong Loom Soo Iung Newhill:

• Ia ka jingialang yn pyniaid da ka Dorbar Shnong

• Yn pdiang ia u Candidate lem bad ki 10 ngut ki nongbud bad 4 tyli ki kali rit kynthup ka kali u Candidate.

• Yn shah ban kren arngut lem bad u Candidate

• Ym shah ban ialam ia ki briew kiba na bar ban wan hapoh u pud u sam ka Dorbar Shnong.

• Ym shah ban ai sha aí dud ha kata ka sngi.

• La khang pyrshah ia ki khun ka Dorbar shnong ba kim dei ban kiew rynsan na kino kino ki party hapoh ka Dorbar Shnong.

• La mana ruh ba yn ym shah ban pynheh ia ki sur jingrwai kiba pynthut hapoh ka shnong.

• La shah ban buh tang kawei ka Lama bad kawei ka banner

Ka Dorbar Shnong na ka bynta ka bha ka miat ka shongsuk shongsain bad ka khuid ka suba kala kyrpad ia baroh ban iatreilang bad ka Dorbar Shnong ha kino kino ki liang baroh.