Ki kyndon ialap elekshon ka DS Demthring

Syllad | The Rising MeghalayaFebruary 12, 2023

Ka dorbar shnong Demthring, West Jaintia Hills District ka shnong kaba ha 7 Amalrem Assembly Constituency kala buh da ki kyndon iaki kyrtong kiba wan ialap elekshon hapoh shnong.

U waheh shnong Demthring ma SB Ryngkhlem ula ong ba ki candidate ne kyrtong kiba wan ialep election hapoh shnong Demthring, la mana pyrshah iaki ba kim bit ban ialam paidbah shapoh shnong haka jingialang paidbah jong ki, hynrei la shah ban synran ia u kyrtong tang 5 (san) tylli ki kali rit.

Ki nongkren jong ki candidate ki dei ban kren tang ia ka nongrim bad ki jingthmu ba bha jong u candidate jong ki, hynrei la mana ba kim dei ban kynthoh ne kynnoh kulmar khlem ka nongrim kaba biang pyrshah ia kiwei pat ki candidate/ party.

La mana pyrshah ia ki briew kiba nabar shnong khamtam ki briew kiba nabar jong ka constituency ba kim dei ban wan rung hapoh shnong poh thaw lane sha ki iing ki sem khlem da ioh jingbit na ka Dorbar Shnong ha kum kine ki por Election MLA 2023.

Lada jia ba lap ia kino kino kiba pyrshah ia kine ki kyndon kiba la kdew haneng, yn pynshitom ia ki kat kum ka ain Shnong.