Ki kyndon ya kiwa thang wei dai bomkala hapoh West Jaiñtia Hills

Syllad | The Rising MeghalayaDecember 22, 2023

U District Magistrate, West Jaiñtia Hills da chah u wow thang bomkala nadooh 11.55 i miet hadooh 12.30 i step synyaaw ka Christmas wa u snem thymme.

Chooh chooh u District Magistrate da khang u wow dai wei wow thied ya ki bomkala kiwa na baar ri, wow pynemkaam ya ki bomkala wa pteiñ namo ki lari kiwa pynmih yei tdem, kiwa thai kamjooh kiwa man jhep hadien wa pynemkaam.

Ki bomkala ymtoh u ood ki palat 125 dB (A1) næ 145 dB (C) Pk hawa jngai 4 metre na iwa thang ya ki.

Da khang leh wow thang bomkala 100 metre na ki thaw sumaar, ki thaw puræ, ki kasari, ki thaw Mane Blai wa ki thaw wa pynman Silent Zone da ki bor sorkar.

U District Magistrate da ong u leh wa kiwa dai bonkala toh du kiwa da yohbor na u Deputy Commissioner, West Jaiñtia Hills wei kiwa bood ya ki kyndon ka Central Pollution Control Board.