Ki lad jingiarap shah lyngshop bor mariang

Syllad | The Rising MeghalayaMay 27, 2020

U Deputy Commissioner, Chairman District Disaster Management Authority, East Jaintia Hills District u pynbna paidbah ba ha ka ba iadei bad ka jinglong jingman ka suin bneng na ka daw ka jingjur palat slap bad lyer ha kane ka District bad jylla hi baroh kawei, la kyrpad ia baroh ki paidbah hapoh ka district ba kin iatrei lang bad ki briew jong ki tnad sorkar ha ki shnong jong ki khamtam ki Gram Sevak jong ka ophis ki Block Development Officer ba dei peit ia ki shnong jong ki ban pyntip kloi kloi sha ki lada don kano kano ka jingshah pynjulor na ka daw ka mariang hapoh ka shnong ka thaw jong ki khnang ban lah ban ai jingiarap ia kito ki longing ki ba mad ia kum kita ki jingeh.

Shuh shuh, u la pyntip ba ki paidbah ki lah ban phone ha u number 9615044890 na ka bynta kito shnong ki ba hap hapoh ka Khliehriat C&RD Block bad 8837469658 na ka bynta kito shnong ki ba hap hapoh Saipung C&RD Block khnang ban ioh ia ki jingiarap ba kham kloi.