Ki nongbam rashon ki dei ban don Aadhaar card

Syllad | The Rising MeghalayaAugust 18, 2020

U Deputy Commissioner (Supply), West Jaintia Hills u la pyntip ba ka Ministry of Consumer Affairs, Food and Public Distribution bad ka sorkar jylla, lyngba ka National Food Security Act, 2013, Reforms in Targeted Public Distribution System Chapter V Section 12. (2)(c), ka la pynlong compulsory (dei ban don ia ka Aadhaar card baroh salonsar) ban ithuh bad pynshisha ia ki nongioh myntoi haka jing ioh rashon ne ka Public Distribution System (PDS).

La pyntip ba ki khlieh ka longiing kiba don ia ka card AAY lane PHH kiba ioh jingmyntoi na ki skim kiba hap hapoh ka Public Distribution System ba ki dei ban ioh ia u Aadhaar namar ba shen yn sa pyntreikam ia ki ePos machine lyngba ki dukan sam mar rashon.

“Kane kan wanrah ia ka jingshakri kaba khuid bad ka jingpyntreikam kaba janai lyngba ka “One Nation One Ration Card system ha ka jylla jong ngi bad ka ri India baroh kawei.” ong u DC West Jaintia Hills District.

Shuh shuh u DC ula ong “Ban ioh ia u Aadhaar Card ki paidbah ki lah ban pynrung kyrteng lyngba ka Office jong u Deputy Commissioner, West Jaintia Hills District, Jowai lane lyngba ka Ophis jong ki Block Development Officer kiba hap hapoh ka West Jaintia Hills District ha kano kano ka sngi ba long trei.”

Na ka daw jong ka jingpur u khniang jingpang COVID-19 ha ka jylla bad khnang ban iada, U DC u la bthah ia ki paidbad ban bud ia ki kyndon bad ki jingbthah jong ka tnat ka koit ka khiah ha ka por ba leit pynrung kyrteng.