Ki nongialam ki dei ban skhem ka nongrim ban lait shah pynbiej ong u Spaindarsing

Syllad | The Rising MeghalayaAugust 31, 2020

U Spaindarsing Lyngkhoi ula ong “Kum ki nongialam sengbhalang phi dei ban skhem ka jingmut bad ka nongrim ban lait na ka jingshah pynbiej haba phi trei naka bynta ka bha ka miat ka jaidbynriew.”

“Kin don bun kiba wan phon wan pah bad pynbiej iaphi khnang ba kin ioh ban pyndonkam iaphi, hynrei lada phi don ka nongrim kaba skhem kan pynlehnohei iaka jingthmu ki nongshim kabu” la ong Spaindarsing haka jingpynskhem iaka KSU Sahsniang Unit haka 29 tarik une u bnai.

U Spaindaring uba long ruh u office secretary ka KSU ula ong “Ki samla ki dei ka lawei jong ka ri bad to ngin klet noh iaka jingsngewiapher niam, ka jingsngewpher thaiñ, ka jingsngewpher shnong bad don ka mynsiem iatylli lang noh kawei naka bynta ban iakhun iaki daw bah ka Jaitbynriew”

U  SS Niangti nongialam ka KSU Jaintia uba la ong ba ka KSU Sahsniang Unit kadei ka tnad treikam kaba long kum ka nongai khubor, ne wat sha ka Sorkar ruh haba don kino kino ki jingjia kyrkieh kiba lah ban jia ha ki shnong Khappud bad ka Assam namar ba kane ka shnong kadei kaba jan tam bad ki shnong ba khajia pur bad ka Assam Meghalaya.

Ha kane ka jingpynskhem iaka Sahsniang unit la iadonlang ruh u Rueben Najiar Assistant Education KSU, Shaniah Shkem Dkhar, Justice Paul Lyngdoh, Balawan Suchiang, Dannywanki Lyngdoh bad u J Lathong Ex President ka KSU Sahsniang Unit.

Ki nongkitkam ka KSU Sahsniang Unit:
Yoolang Lathong President,
Darington Kamar Vice President,
Hababiang Syngkon Vice President,
Shanlang Hadem Assistant General Secretary,
Mardaplang Kamar Finance Secretary,
Iaid Shaphrang Rabon Education Secretary,
Lamphrang Tang Organising Secretary,
Christopher Biam Publicity Secretary,
Rimanroy Kamar Cultural Secretary,
Wansanmi Rabon Sport Secretary, bad 14 ngut ki dkhot.