Ki Nongialam shnong, Sengbhalang bad Pulit ki dei ban treilang ban tem ïaka jingrung beaiñ ki mynder ri

Syllad | The Rising MeghalayaSeptember 17, 2019

JOWAI: Ka All Jaiñtia Youth Welfare Organisation (AJYWO) hadien ka jingshah kem jong ki 14 ngut ki nong Nigeria ha ki Pulit jong ka East Jaiñtia Hills kiba rung beaiñ sha kane ka Ri kala kyntu ïaki Bor Shnong, Sengbhlang bad ki Nokma ban long kiba peitngor bad ban pynthikna ïaki briew kiba i suba ïaka jinglong nongshong shnong jong ki.

Ka AJYWO lyngba u kyrwoh bala phah da u MH Dkhar President kala pynpaw bad a ka jingpynmih ka sorkar Assam ïaka NRC ka bym shym la lah satia ban pynrung sa 19 lak ngut ki briew haka thup jong ka NRC, na ka bynta ka bha ka miat ka jong ka Jylla kala kyntu iaka bor Pulit, Dorbar Shnong, Nokma bad ki sengbhalang ban trei shitom ban khanglad ïaki jingwan buhai shnong beaiñ ki briew kiba na bar.

Ha ki jaka ba bun briew bad khapngiah ka rukom sah ki nongshong shnong ruh kum ka sor Shillong ki nongïalam shnong ki dei ban long kiba husiar bad peit bniah ïaki briew kiba suba kiba dei ba nabar bad ban pynthikna ïaka shnong ka thaw jong ki.

Shuh shuh ka AJYWO kala kyrpad iaka sorkar jylla ban pyntreikam ïaka District Task Force ha baroh ki district haka jylla.