Ki nongrep ka Mooshrot kim bit ban pynheh jaka rep tad haduh bala dep sorjamin iaka khlaw: JHADC
U Chief Forest Officer (CFO), jong ka Jaintia Hills Autonomous District Council (JHADC) FW Blah, ula ong ba ki nongrep jong ka Mooshrot kim bit satia ban pynheh iaka jaka rep haka khlaw kaba iaknieh hapdeng ki nongshong shnong ka Saba bad ki nongrep na ka shnong Mooshrot tad haduh bala dep sorjamin biang iaka khlaw.
Ia kane la rai la rai haka jinghiar jurip jong u CFO sha Saba haka sngi Palei haka jingiadonlang u Dolloi ka Elaka Raliang u Ma Chawas Lyngdoh bad u Dolloi ka Elaka Shilliangmyntang u ma K Sariang kumjuh ki nongïalam shnong ka Saba bad ki nongrep ka Shnong Mooshrot.
Khnang ban wanrah noh ïaka jingïasuk bad jingïasngewthuh jingmut hapdeng ka Shnong Saba kaba hap hapoh ka Elaka Shiliangmyntang bad ki nongrep jong ka Shnong Mooshrot ba hap hapoh ka Elaka Raliang, ki ophisar jong ka Jaintia Hills Autonomous District Council (JHADC) kila hiar sha Saba ban pynbeit ia kane ka kam.
Ki nongrep jong ka Mooshrot ki kynnoh ba ka shnong Saba ka pynjot pynpra ïaki jaka rep jaka riang ba ki la rep bad na ka liang ka shnong Saba pat ka kynnoh ba ki nongrep jong ka Mooshrot ki rep khlem da ïoh jingbit na ka Shnong Saba ki iai pynheh iaka jaka rep da kaba khyllem iaki dieng ki siej.
Katkum ka jingïathuh jong ki nongrep ka Shnong Mooshrot la ong ba ka jingpynjot ïaki jaka rep ka la jia mynta la shi taïew bad la jan man ka sngi ki jaka rep jong ki kila shah pynjulor.
U CFO ula ong ba ka jingwan jong ki kadei ban pynïasuk ïaki arliang namar ba mih ka jingbym sngewthuh bad jingklumar ha kaba ïadei bad ki jaka rep.
Ula iathuh ba ia mynta shipor la bthah iaki nongrep na Mooshrot ban sangeh shuwa ban pynheh iaka jaka rep khnang ban pynsuk ïaki briew jong ophis ban sorjamin biang ïa kane ka khlaw bad katba ym pat dep ban ai iaka rai na kane ka ophis ki nongrep ka Mooshrot kim lah ban pynheh jaka rep ne pom dieng ha kane ka khlaw kaba don Saba.
Haba ïakren bad u Waheh Shnong barim ka Saba u Roming Suchiang ula ong, “Haka jingïaid lynti jong ngi kum ki nongshong shnong ngi lap ba ki nongrep jong ka Mooshrot ki wan rep jubor ha kane ka khlaw khlem ka jingioh jingbit na ka shnong Saba”.
Ula ïathuh ba mynshwa ïaka shnong Saba la peit bad sumar da ka Mukroh bad da ka jingsngewthuh jingmut jong ki nongïalam shnong ka Mukroh bad u Dolloi ki la ailad ïaka shnong Saba ba kan synshar dalade ïa u pud u sam naduh u 2001.
“Ban pynskhem shuh shuh ïaki jaka jong ka Shnong, ki nongïalam Shnong jong ka Saba ki la leit ban ïakynduh bad ka District Council bad ha u 2013 ka District council ka la ai Registration Certificate ryngkat ka map iaka Saba. Hynrei ki nongrep ka Mooshrot kila pynheh shuh shuh iaki jaka rep sha ka khlaw shnong jong ka Saba kaba ka bor shnong kala pyrshah jur. Ki mar rep ba ki rep ki kynthup ia u sohniamtra, sohtrun, synsar bad kiwei kiwei,” la iathuh ma Suchiang bad ula ong ba kane ka jaka rep ka dei ka hok nongkynti ka shnong Saba.
“Kane ka jingïa khajia kadei kaba la neh slem bha kaba la sdang naduh u snem 2014-15 ter ter bad bun na ki jaka rep kiba la rep da ki nongshong shnong jong ka Mooshrot kidei ki jaka rep ba la ïoh kynti naduh ki por mynbarim mymbajah”, ïathuh u S. Tang nongrep Mooshrot.
Shuh shuh ula ïathuh mynshwa kam juh don kano kano ka jingpynthud pynwit haba rep ba riang hynrei tad hadien ba ka shnong Saba ka la ioh iaka registration Certificate ka la mih kane ka jingïa khajia jaka rep.
Baroh arliang mamla ki la kyntu ïaka District Council ba kan pynbeit kloi ïa kane ka kam khlem da ñiew shilliang ïano ïano khnang ba lait na kano kano ka jinghuri hura.
Facebook
Instagram
Youtube
Twitter
Haoid ga monjur iakane ka jingpynbeit bapaka.te ga kyrmen skem ba ka DC office ba kan sngewbha ban pynbeit kloi kloi khnang baka imlang sahlang bad ka suk ka sain haki ne ki ar shnong ba mynta.