Ki paralok synrop kila bteng ban ai ka jingkyrshan ia ka sorkar MDA; ong u CM

Syllad | The Rising MeghalayaJune 29, 2024

U Myntri Rangbah ka Jylla u Conrad K Sangma ha ka 28 tarik Jylliew u la ong ba ki paralok synrop kiba iatreilang kum ka kynhun MDA kin bteng ban ai ka jingkyrshan kaba pura ia kane ka sorkar haduh kaba kut jong ka samoi treikam.

Haba kren sha ki lad pathai khubor u Conrad u la ong, “Baroh ki paralok synrop sa shisien pat ki la iai ban bad pynpaw ha nga ba kin bteng ban ai ia ka jngkyrshan kaba pura khnang ba ngin lah ban pyndep ia ka samoi ka sorkar jong ngi.

Ia kane u la pynpaw hadien ba ki la mih ki jingkynnoh ba ka United Democratic Party (UDP) ka lah ban weng noh na ka sorkar.

Ha kaba iadei bad ki jingkam ba ki paralok synrop ka MDA ki la kynnoh beit ia ka NPP halor kiba bun ki mat,” U CM u la ong, “Kata ka biang beit, ngim don jingeh. Ngi la iatreilang. Nga la iakren ia ki paralok synrop kiba iatreilang. Baroh ki don hapoh ka kynhun. Hooid ki lah ban don katto katne ki briew ki ban kynthoh ban pynpaw ia ka jingsngew ka jong ki, kata kaba dei kaba biang eh ha ka synshar paidbah ban pynpaw ia la ki jong ki jingsngewkhia.”