Ki PwD & kiba palat 80 snem ki lah ban thep vote da ka Postal Ballot

Syllad | The Rising MeghalayaJanuary 13, 2023

U District Election Officer, West Jaintia District, Jowai ula  pyntip ba ha kane ka General Election jong ka Meghalaya Legislative Assembly, 2023,  ka Election Commission jong ka India ka la ai lad ia ki briew ba duna haki dkhot met (Person with Disability) ki nongthep vote kiba don jingduna haka bor met kumba 40% shaneng bad ki Senior Citizen voters (ki nongthep vote kiba la palat 80 snem shaneng ka rta) ban thep ia ka vote jong ki da ka Postal Ballot.

Kane ka lad ba la ai da ka Election Commission jong ka India ka long ban pynsuk (facilitate) ia kito ki PwD voters bad ki Senior Citizen voters ki ba shem jingeh ban leit sha Polling Station ban thep vote na ka daw jong ka jingshitom bad kiwei kiwei.

Ki PwD voters bad ki Senior Citizen voters ki lah ban apply ia ka Postal Ballot lyngba ka Form 12D, ka ba yn sa wan sam ia katei ki Form da ki BLO bad kino kino ki PwD bad Senior Citizen voter kiba kwah ban apply Postal Ballot, ki lah ban submit biang ia kitei ki form sha U/Ka BLO hapoh 5 sngi ba la pynmih ka notification jong ka Election.

Ki PwD voter kiba kwah ban apply Postal Ballot ki dei ruh ban suhlang ia ki benchmark Disability Certificate ba la ioh katkum ka ain jong ka Rights of Persons with Disability Act, 2016. la ka sngi had ka por ban wan ki Polling Officers ban facilitate ban thep vote yn sa pyntip sha kito ki PwD voter bad Senior Citizen voter kiba la apply Postal ballot sha U/Ka Returning Officer jong ka Assembly Constituency.