Ki samla ki dei ban im sngi ha ki kam ban tei ialade ong u Daniel Dan DSO East Jaintia Hills
Ka ophis u District Sports Officer, East Jaintia Hills District kala rakhe iaka National Youth Day (NYD) ban kynmaw burom ïaka sngi kha u Swami Vivekananda.
La rakhe ia kane NYD da ka jingiatreilang District sports Office, Sein Khynroo shnong Dkhiah West bad bad ka Meghalaya AIDS control Society.
Dr. Janirius Nongtdu ila ai jinghikai halor ka “AIDS & Youths”. Ila ban jur iaki samla ban sumar kyndong iaka akor ka burom bad ban kiar na ka jingmlien ba sniew.
U Danosha Tlang uba dei ka nongseng kam lajong bad u trai ka DD Spices ula ong ba ki samla kim dei ban ap iaka kam sorkar, hynrei ban sdang ia kino kino ki kam kiba ki don ka sap ka phong ba kin jop haka jingim. Ka phang pdeng kaba u ai jinghikai kalong halor ka “Role of an Entrepreneurship in Nation building”.
Ula ong ba ki nongsengkam lajong ki dei ban sngewsarong ba ki dei kiwei na ki nongai kam ban kyntiew iaka ioh ka kot ka ri.
U Coming one Joy Tlang ula ai jinghikai halor ka “Channelizing Youth Power for nation building”. U Coming one Joy Tlang u dei ruh u Waheh shnong jong ka shnong Dkhiah West.
U DSO Ma Daniel Dan, haba kren kum u kongsan ula kyntu iaki samla ban bud iaki nuksa bad ki nongmuna jong ki riewkhraw ka ri ban kyntiew iaka District, Jylla bad ka Ri Baroh kawei bad ban imsngi ha ki kam kiba lah ban tei ia lade bad ruh ka imlang sahlang.
La ioh iaki jingrwai bad jingshad naki samla ka shnong Dkhiah West. Bad ruh la ioh ban sam iaki participation certificate sha ki samla baroh ba wan iashim bynta. U ma Generous Shadap, uba long ruh u President ka Seinkhynroo shnong Dkhiah west ula iadonlang bad ki samla ba pawkhmat ka shnong ba kynthup ia i Bakitlang Phawa, Kerlang Tlang, Dawniwan Salahe bad ruh I Wanshiruplang Tlang.
Facebook
Instagram
Youtube
Twitter
Leave a Reply