Ki samla ki donkam lai jait ki bor khnang baka jingsan jong ki kan long kaba bit ba biang bad kaba pura
JOWAI: Ka ophis iong ka Society For Urban & Rural Empowerment (SURE), Jowai ryngkat ka jingiatreilang ka Nehru Yuva Kendra Sangathan Jowai daka jingkyrshan jong ka Synroplang SHG Sabahmuswang kala pynlong iaka District Youth Convention Program haka shnong Sabahmuswang haka 14 tarik u Kyllalyngkot 2020.
Haka jingialang ban plie pyndonburom ia kane ka prokram kaba la long ha ïngdorbar jong ka shnong Sabahmuswang la ïadonlang ruh u G Kharlukhi uba long u District Development Manager jong ka National Bank of Agriculture and Rural Development (NABARD), u R Rapsang District Youth Coordinator ka Nehru Yuva Kendra Sangathan (NYKS), Jowai, u Tellmi Phawa Waheh Chnong ka shnong Sabahmuswang bad kiwei pat.
![](https://www.syllad.com/wp-content/uploads/2024/09/JIT-Vacancy-823x1024.avif)
Haka jingkren jong u kum u Kongsan haka jingïalang plie ïa kane ka prokram u G Kharlukhi ula kyntu ïa ki samla ban don kata ka jingbit jingbiang (fitness) ha baroh ki liang.
“Ki samla ki donkam ban don ka jingbit jingbiang haka met (physical fitness), ka jingbit jingbiang haka ïoh ka kot (financial fitness) bad ka jingbit jingbiang ha kaba kynja mynsiem (spiritual fitness). Ki samla ki donkam ban don ïa kine baroh lai khnang baka jingsan jong ki kan long kaba bit ba biang bad kaba pura”
U kyntu ruh ïa ki samla ban long kiba don ka jingkitkhlieh ïala la ki kamram ne ïa kino kino ki kam kiba la pynkhamti ha ki. Kumjuh ruh ula pynshai shaphang ki lad ki lynti ban ïoh jingkyrshan lyngba ki ram na ki bank kum ka ram nongrep ne Kisan Credit Card bad ula ong ruh ba mynta na bynta ka ram kaba hapoh shilak hynriewphew hajar tyngka, ki nongshim ram kim donkam ban buh bynda.
Naka liang jong u R Rapsang DYC NYKS ula ïathuh shaphang ka jingïatreilang hapdeng jong ka SURE bad ka NYKS kaba la bun bun snem bad hakajuh ka por ula batai ruh shaphang ka District Youth Convention bad ïaka jingdonkam jong ka naka bynta ban pynroi ïa ki samla. Hadien la ïoh ruh ïaka jingkren na u Chembha Lamare uba long u National Youth Volunteer, Laskeiñ block, West Jaiñtia hills district.
Ha kane ka sngi la ïoh ïaka jingbatai halor ki artylli ki mat ki lad ïohkam ïohjam bad ka jingdonkam ban lehkhuid bad ïa kine la ai da u Rev. H.H.Mohrmen, ka Coriniki Slong bad Somja Phawa kiba long ki staff jong ka SURE. Ïaka jingïalang la pynïaid da ka kong Pasqualina Lamare naka SURE, ka jingkren pdiang sngewbha la ai da a u Waheh Chnong Tellmi Phawa bad jingkren ai khublei la ai da u Lumlang Biam uba long u Secretary jong ka Synroplang SHG.
Palat shispah ngut ki samla shynrang bad kynthei jong ka shnong Sabahmuswang kila wan ban ïashim bynta hakane ka program bad kila pynpaw ba kila ïoh jingmyntoi shikatdei eh na kane ka prokram. Kane ka paw ruh naka jingshisha ba ki samla kila shongshit ban buh jingkylli hadien ba ki nongkren kila ai jingkren.
Leave a Reply