Ki SHGs & VOs kidei ban pynbiang ïaka jingdawa shynrai Lakadong: Coming
JOWAI: U Ma Comingone Ymbon Myntri ka tnad Fisheries, PWD (Buildings) bad kiwei kiwei ula ong ba ki SHGs bad ki VOs ki dei ban trei shitom ban pynbiang ïaka jingdawa ïa u shynrai Lakadong.
“Ka Laskeiñ Block ka dei ka block kaba bun na ki nongshong shnong kidei ki nongrep bad kane ka thain kadei kala kyrkhu kyrpang ïaka da ka jingdon u shynrai Lakadong, uba ka pyrthei mynta kala ithuuh bha ïaka jingbha une u shynrai. Kumta phi ki SHGs, VOs phi dei ban trei shitom shuh shuh bad ban rep khambun ïa une u shynrai khnang ba kan kyntiew ïaka ïoh ka kot jong phi,” la ong u ma Coming haka jingïadkynduhlang ki Self Help Groups hapoh ki 5 tylli ki Cluster (Shangpung, Khliehrangnah, Thadmuthlong, Kyndongtuber & Mynso Clusters) ha Madan Hula Shangpung Moosyiem haka sngi ba Ar.
![](https://www.syllad.com/wp-content/uploads/2024/09/JIT-Vacancy-823x1024.avif)
Ula kyntu ia ki SHG bad VOs ban shim kabu ïaka skhim NRLM bad ban jur ba kin long kiba ïatylli khnang ba kano kano ka kam kaba ki trei kan poi sha ka thong.
Ïa kane ka jingïamkynduh lang ki SHG bad Ki VOs la pynlong da ka Laskein Block Mission Management Union (BMMU) bad ka Laskein C&RD Block.
Na kine ki san cluster haduh 308 tylli ki SHGs bad 20 tylli ki Village Organisation kila wan ïashimbynta bad ka thong kalong kumno ban nang pynkiew shuh shuh ia ka rukom trei kam jong ki SHGs bad ki VOs.
La pyniaid ia kane ka program da Ka Kong B. Kamar (BTA) Laskein Block. La ioh ia ka jingkren pdiang ia baroh kiba la wan sha kane ka jingiakynduh lang na I Cluster Coordinator jong kine ki Clusters na U Ma Firmly Stand Khonglah.
U Dr. BS Langbang, Block Development Officer , Laskein C&RD Block uba long ruh u Chairman jong ka Laskein BMMU kum u symbud kongsan ula kyntu ia ki SHGs/VOs ba ki long kiba kit khia bad trei shitom khnang ba kin nang lah ban pynkiew shuh shuh ia ka ioh ka kot jong ki lyngba kane ka NRLM Program jong ka Sorkar Kmie kaba iarap kyrpang ia ki longkmie.
Ula kyntu ruh ia ki SHGs/Vos ba ki dei ban shim khia kumno ban wanrah ia ka khuid ka suba hapoh ki shnong ki thaw. U la ong ia ki SHGs/VOs lada ki don kano kano ka jingeh ka office ka kloi ban iarap ia phi lada phi wan shakhmat ban iathuh ia kita ki jingeh jong phi u la ong ka sorkar ka la buh khnang ia nga ban iarap ia phi.
La ioh ia ka jingkren lyngkot na u Ma R. Shadap (District Mission Manager) MSRLS, West Jaintia Hills District.
Ha kane ka sngi la ioh ban pynkup burom ia ki saw tylli ki Village Organisation kiba wan sha khmat ha ka rukom trei kam jong ki kata ka Synroplang Village Organisation Thadmuthlong A, Iakyrmen & Iakyntulang Village Organisation Mynska bad ka Wadieibha Village Organisation Shangpung Khliehmushut.
La pynphuh pynphieng ia kane ka jingiakynduh lang da ka jongiashim bynta lang jong jong ki Saw tylli ki Vo na Kyndongtuber Village lyngba ki sur jingrwai bad Ka Bersaman VO Shangpung Pohshnong bad la ïoh jingrwai pdiang Wadieibha S. Khliemushut & Betdeibha VO S. Moosyiem bad ai khublei na u B Syiemlieh (i/c BPM) Laskein BMMU.
Leave a Reply