Ki skim sorkar kila pynduna 50% ka jingkhlad haka por pun por kha bad 30% ki khunlung, ong u Conrad

Syllad | The Rising MeghalayaFebruary 22, 2024

U Myntri Rangbah ka jylla Meghalaya u Conrad K Sangma u la ong ba ka pisa kaba kot T.1,970 klur, kynthup ka pisa kaba la bhah T.173 klur na ka bynta ka MHIS program ki dei kiba pynbha bad kyntiew ha baroh kiliang iaka jingshakri ka tnad ka koit ka khiah na ka bynta u snem 2024-25.

U Sangma u la pyntip haba wanrah ïa ka mang tyngka ka Jylla haka 21 tarik Rymphang.

Na ka liang u Myntri Rangbah u la ong ba ka MOTHER Program ka long kawei ba kiba ai jingkyrmen ia ki palat 3 lak ngut ki longkmie kiba armet bad kiba dang lung khun, lyngba ka jingpyntreikam ïa ka  Chief Minister’s Safe Motherhood Scheme, ka sorkar ka la lah ban pyntreikam ïa ki 140 tylli ki transit homes bad ki kali ban pynthikna ban ioh iaka jingsumar kaba biang ha ka por ba kha khunlung. Kine ki artylli ki skhim la lah ban pynduna haduh  50% ka jingïap ki longkmie bad 30% ka jingïap ki khunlung.

U la pyntip ruh ba ki don 96 tylli ki jaka ai jingsumar kiba lah kyntiew kyrdan, 377 tylli ki sub centre kiba la lah ban pyndait da ki solar na ka bynta ka bording bad arphew tylli ki Community Health Centre kiba la pynkylla sha ka First Referral Unit kiba lah ban sumar kyrkieh na ka bynta kiba kha khunlung ne ka Emergency Caesarean section. 

Haka jingpyrshang ban pynbiang iaki jingdonkam ki jaka sumar, u Myntri Rangbah u la pyntip ba kane ka jingpyntreikam ba la buh por laisnem kynthih ban shna pynthymmai  ïa baroh ki jaka ai jingsumar kiba don ha ka jylla yn sdang biang ha u snem 2024-25 haka jinglut T.500 klur haka kylla kaba nyngkong, ki Civil Hospital ha baroh ki district  headquarter bad 100 tylli kiwei pat ki jaka ai jingshakri yn buh ha khmateh

U la ong ruh ba ka sorkar ka dei kaba la pynkup bor ïa ka tnad ka koit ka khiah ban thungkam haduh 300 ngut ki nurse bad ki technician bad kane kan pynthikna ba ka jingsumar kum ki ICU bad ki jaka blood storage unit kin lah ban treikam.

Ka jingwanrah iaka jingkylla ha kaba iadei ban pynpoi dawai dashin bad kiwei de ki tiar ba pyndonkam ha ki jaka ai jingsumar lyngba ka jingbuh ïa ka Meghalaya Medical Drugs and Services Ltd, u Myntri Rangbah u la ong ruh ba ka jinglut jingsep ba ïadei bad ka jingthied ki dawai jong ka jylla ka la hiar da 45% mynta u snem namar ba jingpyntreikam da kaba khuid ba suba.

U la  ong ruh la mang T.100 klur ban pynbiang iaki dawai, ki tiar pyndonkam ha ki jaka ai jingsumar, bad na ka bynta ka jingshakri na ka bynta u snem 2024-25 bad u la bynrap ruh ba ki kyrteng jong ki dawai ba kongsan yn sa pynbna ha ki jaka ai jingsumar bad ki lad jingtip yn ai online.

U Myntri Rangbah u la ong ruh bad ka Megh Can Care program ha East Khasi Hills ka jurip (screen) ia kiba briew kiba la kynjoh 30 snem ka rta shaneng halor ka jingpang bampong ne ka cancer. U la ong ruh ba ki don haduh 50,000 ngut ki briew kiba la dep jurip tang ha une u snem ba la dep bad don ka jingthmu ban pynlong iaka jingjurip haduh 1 lak ngut mynta u snem. “Ban pynlong ia kum kine ki jingjurip ha kiwei pat ki district, nga la mang pisa T. 10 klur,” la ong u CM.