Ki thei Khasi Jaintia & Garo ki muja ban shongkha khynnah thoh shithi ki nong Assam sha ka KSU

Syllad | The Rising MeghalayaMay 27, 2020

Arngut ki briew kiba kam ialade ba ki dei na Assam kiba tip kum u Dr Baharul Islam bad ka Tuni Das kila phah iaka shithi sha u General Secretary jong ka Khasi Students’ Union (KSU) u Donald V Thabah halor ka jingdawa Inner Line Permit (ILP).

Ha kane ka shithi kine ki briew kiba kam ialade ba ki dei na Assam kila pynpaw ba ka jingdawa ILP kam dei kaba mynta mynne, hynrei kadei naduh u 1978 haka por ba long Chief Minister (L) Williamson A Sangma bad naduh katei ka por ruh ka don ka jingpyrshah haduh 90 percent ki nongshong shnong iaka ILP.

Ka KSU mynta pat ka pynlong iaki jingiakhih ban dawa ILP khlem da tip pat iaka jingktah ka ioh ka kot bad ka kamai kajih jong ki pateng ban wan.

Kila kynthoh ruh ba iaka Jylla Meghalaya la ialam beit da ka Jaidbynriew Garo bad ka Jaidbynriew Khasi Jaintia kim nym lah da lei lei ban ialam iaka jylla.

Mynta ka Jylla ka roi ka par bad ieng ki iing paki dulan kynthup ki skul ki kolej, ki iew ki hat namar ba don ki bar jylla, hynrei ka nam ka burom ka leit sha ki Khasi Jaintia. Bad kila kynthoh shuh shuh b aka KSU kan nym sngewthuh ia kane, bad ki kynthoh ruh ba ki jaidbynriew riewlum Khasi, Jaintia bad Garo ki dei kiba duna haka liang ka stad ka tip lada nujor bad ki bar jylla.

“Lada pyntreikam iaka ILP naduh u 1978 ka Jylla kan sahdien bad kan long kum ka Manipur, Mizoram bad Nagaland kaba ym don ka roi ka par haka pule puthi, ka tourism bad tang ki riew kieng atiar,” la kynthoh kine ki ar ngut haka shithi.

Kine ki ar ngut haka shithi kaba kila phah kila kren tohmet haduh katta iaka jinglong kynthei ka jaidbynriew Khasi, Jaintia bad Garo. Kila kynthoh ba ki Kynthei Khasi, Jaintia bad Garo ba ki bam doh masi ki khlain bha ha kaba ban shongkha wat hapoh 15 snem ka rta. Ki shongkha khleh bad u bar jylla ban pynhun ialade bad ban biang ka kamai ka kajih.

Kila kren kob ruh ba ki lada ym don ki bar jylla ha Meghalaya ka jylla kan nym kiew haka roi ka par. La kynthoh bad u shynrang Khasi kim don dor haka imlang ka sahlang bad mynta ban khanglad iaki bar jylla ka KSU ka dawa ILP.

Kila kynthoh shuh shuh ba ki kynthei Khasi Garo ki kham mon ia u bar jylla namar ba shngain haka ioh ka kot bad lad kamai ja kpoh bad ka KSU lada ka wanrah kano kano ka rai ruh, ka jingshisha hi bad ka jaidbynrew Khasi kim nym lah ban wanrah roi par haka Jylla.

La kynthoh shuh shuh ba lada wanrah ILP, ki Muslim ki dei ban mih na Jylla namar ba ki Muslim ki dei kiba ma namar baka don ka jingiapher hadpeng ki Muslim bad ki Hindu Bengali.

Kine ki ar ngut ki nong Assam kila pynshit shuh shuh iaka KSU ba lada ka phiel ka Meghalaya kan kylla Muslimalaya ha u 2050 bad ym dei ka Hindualaya.

Ia kane ka shithi la phah kopi sha u CEM KHADC, Myntri Pynroisor bad sha kiwei kiwei.