Ki VCMC ki dei ban iarap haka ‘Contact Tracing’ ong ka KSU Wapung

Syllad | The Rising MeghalayaJuly 27, 2020

Ka Khasi Students’ Union (KSU), Wapung Unit, kala kyntu ïa ki Village Covid-19 Management Committee (VCMC) ban iarap īaka tnad ka koit ka khiah jong ka sorkar jylla ban pynsted ïa ka ‘Contact Tracing’ ne ban buddien iaki briew kiba iakynduh bad pyntikna ba baroh ki nongshong shnong kin ai ka jingiatreilang bad ka sorkar ban pyndkut ia u kynjri jingpur ka khlam Coronavirus.

“Hadien ka jingiabit khlam ka nurse na PHC Pamrapaithlu ngi dap da ka sngewkhia bad ngi kwah ban kyntu iaki VCMC ha ki shnong bapher bapher kiba hap hapoh kane ka PHC ban iarap iaka sorkar ban buddien iaki briew ba iakynduh ka nurse ban tem iaka jingsaphriang ka jingpang Covid-19,” ong u Shibaitlang Rymbai, Publicity Secretary, KSU-Wapung Unit bad bad la banjur ruh iaki paidbah ban iatreilang.

Kum ban shu iathuh ba ka jingiabit pang khlam COVID-19 ha East Jaintia Hills kala kiew sha ka 15 ngut bad ka KSU Wapung kala banjur iaki paidbah ba kin bud iaki jingbthah jong ka sorkar bad ban shong khop ha iing bad ban mih tang lada donkam ba kyrkieh khnang ban pynsuk iaka tnad ka koit ka khiah ban pyndep iala ka kamram ban iarap iaki paidbah bad ban tem iaka khlam.