Ki Village Organisation ki dei ban treishitom ban kyntiew iaka lad kamai jakpoh: BDO Amlarem

Syllad | The Rising MeghalayaOctober 12, 2022

U Block Development Officer, Amlarem C&RD Block u Dr. D Lyngdoh, BDO haka sngi Balang ula ong ba ka Village Organisation ki dei ban treishitom ban pyntreikam bha iaki prokram sorkar kiba iadei bad kam kyntiew iaka lad kamai jakpoh.

U BDO ula ong ia kane haba kren kum u kongsan haka jingialang rakhe lyngkhuh snem ba shisnem ka Ryntihlang VO, Thangbuli, kaba hap ha Amlarem Block.

Ula ong ba ka thong jong ka National Rural Livelihood Mission (NRLM) ka deiban kyntiew iaka ioh ka kot jong ki briew kiba sah ha ki thain nongkyndong bad ka kynhun jong ki. Ula ong ba ka kynhun ki SHGs pat ki dei ban shimkhia ban pynlong iaka jingai jinghikai ban sei iaki sap ba kyrpang ne ka Skill Training Programme kaban iarap ban wanrah iaka ioh ka kot kaba shngain.

Ula ong shuh shuh ba nakaliang ka Block ophis kan ai ka jingkyrshan kaba pura iaki Village Organisation ban wanrah iaka jingkylla haka rukom pyrkhat bad ka shnong ka thaw ban myntoi u luk u lak salonar.

Kiwei kiwei kiba iadonlang ki kynthup ia u Disuk Tariang, waheh Shnong Thangbuli villag, bah M Kharpran, Block Project Manager, ki nongtrei ka Block Mission Management Unit Amlarem bad ki dkhot bad nongialam jong ki 12 tylli ki kynhun SHG

Ka Secretary ka Ryntihlang VO kala iathuh lyngkot iaka jingtreikam jong ka VO ha kine ki shi snem lynter pynbud sha ka jingrwai na ka kynhun jong ki VO.