Kiang Nangbah khlawait wa kynsai

Syllad | The Rising MeghalayaDecember 30, 2020

Sah hei parom wei kynmoo tympang,
Iei nam iei pyrtuid u khon dap chynrang;
Na pyrdi u paid waboon walang,
Ia me da jied kynsai wow tur chaphrang.

Pre Chorus – Khon dap chynrang ka bri niaw trep,
U nong iah luti iong I ki pnar;
Khon dap chynrang ka bri niaw trep,
U nong iah luti iong I ki pnar.

Chorus – Kiang Nangbah khlawait wa kynsai,
Wem chem de kam me ha pyrthai;
Khon dap shynrang ka ri Jaintia,
Sah hei parom, u kynmo maia.

Shirup deilang ka hukum u Blai,
Ia me da jied nong iah luti wa kynsai;
How tylle phasi da pynshah mi,
Nei bynta ka ri wa maia iong i.

Lada kyruin ki khmat o sha mihsngi,
Daw laitluid ka ri wa maia iong I;
Lada sha sep sngi daw man bro I,
Ki kyntien wa khatduh wa da khlai mi.

Kyntien wa shong Blai man sakhiat ki,
Da laitluid ka ri wa maia iong I;
Kyntien wa Shong Blai man sakhiat ki,
Da laitluid ka ri wa maia iong i.

Ham jngai I mynsiem mi na I,
Ah Kiang Nangbah emlang wa I;
Pynioo Ia I ki lad ki luti,
Kam wa kwah mi na kitu ki sngi.

To mait chaphrang ah khon ka ri,
Dei mynsiem chynrang u ia tylli;
Ham ieh u chah leh bein ha kiwi,
Khamtam ha ki mynder shi sngi.