Kiew dor ka bai thang bording, iakynduh ka MPUF ia u EE Khliehriat Distribution

Syllad | The Rising MeghalayaJuly 26, 2021

Hadie bala ud la nam u paidbah halor ka jingkiew dor ka bai thang bording ha East Jaintia Hills, ka Meghalaya People United Front (MPUF) haka sngi Nyngkong kala leit ban iakynduh ia u Executive Engineer ka Khliehriat Distribution Division MePDCL ban kyntu ia u ban shimkhia ban pynbeit iaka jingeh u paidbah nongthang bording.

Ka MPUF kala kam ba haka jingleit ïakynduh ïa Ma T. Ïakai EE MePDCL Moowakhu, Khliehriat ula kular ban shimkhia ban pynbeit halor kane ka jingkiew dor ka bai thang bording ki paidbah.

U president MPUF, East Jaintia Hills u Kyrshan Blah, u president ka San shnong Circle u Jony Phawa, u president ka Wapung Unit Samely Siangshai bad ki katto katne ngut ki dkhot kila ai por shitaiew iaka MePDCL ban pynbeit mardor ia kane ka ingkiew dor ka bai thang bording khnang ba kan nym ktah ia u paidbah.

Kane ka jingkiew ka bai thang bording kala jia ha kylleng ka rilum Jaintia bad ka dor bai thang kala kiew ar lai shah na kaba ki ju siew bai bording.