Kiew ka bai thang bording ha Namdong B, leit ud ka bor shnong sha ka MePDCL

Syllad | The Rising MeghalayaOctober 10, 2020

Ka bor shnong jong ka Namdong B haka jingialam u Assistant Waheh Shnong Namdong B,  u Chanbor War bad ki katto katne ngut ki dkhot shnong kila leit ban pan jingshai na u Assistant Executive Engineer, Khliehtyrshi halor ka jing kiew kynsan ka bai thang bording haka shnong Namdong B kynthup iaki  longïing ba hap ha ka  scheme BPL bad kiba hap ha ka DLT.

Ka bor shnong kala pynsngew ba ki paidbah ka shnong Namdong B kila iakynduh jingeh bha ban siew iaka bai bording bad kila pan jingmut na u Assistant Executive Engineer Khliehtyrshi Sub Station.

Nakaliang ka bor shnong kala ong ba u Assistant Executive Engineer, Khliehtyrshi u la iathuh ba ka jingkiew ka bai bor ding kadei naka daw bala khein lang ia ki bill kiba dang sah (Outstanding bill) bad lada ki bor shnong kim lah ban siew shisien siew kila ban siew khyndiat shisien ha kano kano ka por ba ki sngew bit.

Nalor kata u ne u engineer ula ai jingmut ruh ba lada kiew palat ka bai thang bording, pyntip ba kin phah jurip ia u meter bad ban pynbeit iaka jingeh ki paidbah.

Nakaliang ka shnong kala kyntu ia une u engineer ban thung Meter Reader da ki trai jylla bad kiba nang ban kren Khasi-Pnar namar ba dang bun byllai ki longing kiba duna haka pule ka puthi khnang ba kin lah ban pynsngewthuh iaki paid nongshong shnong haba don kano kano ka jingeh haka kam bording.

Shuh shuh nakaliang ka shnong ruh kala kyntu iaki paidbah nongthang bording ban siew dep iaka bai bording bad ban pyndonkam iaka bording tang haba donkam ban lait kiew ka bai thang bording bad ai khublei ia u engineer uba kloi ban pynshai bad pyni iaka jinglong la kloi ban iarap bad iatreilang bad ka shnong.