Kiew ka jingiap sha ka 2 ngut na ka aksident kali ha Pommura

Syllad | The Rising MeghalayaNovember 16, 2021

Ka jingiap na ka aksident kali kala kiew sha ka arngut hadien ba la khlad sa u nongniah ka kali kamai Maruti Swift ha aspatal ha Civil Hospital Shillong na ka jingshitom jur.

Une u nongniah kali u dei uba la tip kyrteng Kamni Siangshai uba na ka shnong Nongrim Bamthong, la iathuh ki para nongniah kali.

Kane ka jingjia aksident kala jia hynne ka step haka por 9 baje mynstep ha surok bah Shillong Jowai ha Pommura, East Khasi Hills District.

Kane ka jingjia aksident kala jia hapdeng ka Maruti Swift Dzire kaba wan na Jowai bad ka Mahindra Scorpio kaba wan na Shillong kaba dei ka kali sorkar.

Uwei na ki nongshong kali uba shong haka kali kamai, ula khlad hashen ha kane ka jingjia bad 2 ngut pat kila mynsaw, kawei ka samla kala lait thaw na ka jingmynsaw mynsnam.