Kiew ka jingiap sha ka 4 ngut ba bam tit, khlad 2 mynta ka sngi ha NEIGRIHMS

Syllad | The Rising MeghalayaApril 29, 2020

Ka jingkhlad naka jingbam tit khlaw kala kiew sha ka 4 ngut haduh mynta ka sngi. Ar ngut ki khlad haka Sngi U Blei bad ar ngut kila khlad mynta ka sngi Balang ha jaka sumar ha North Eastern Indira Gandhi Regional Institute of Health and Medical Sciences (NEIGRIHMS).

Kine kiba la khlad ki dei ki para jong u Katdilia Khonglah ba kynthup iaka Synran Khonglah (16) bad u Lapynshai Khonglah (28).

Ka Synran kala khlad haka por kumba 3:30 PM bad u Lapynshai Khonglah, u dang shu khlad shen haka por kumba 7:45 PM ha NEIGRIHMS, la pynthikna u Waheh Shnong Lamin ma Golden Gashnga.

Baroh kine kiba khlad ki dei na ka shnong Lamin, ka shnong kaba don ha khappud India Bangladesh kaba hap ha Amlarem Sub-Divison.

Kila shitom jur hadien ka jingbam ia u tit khlaw bala kheit na ka khlaw hajan shnong naduh ka sngi Palei jong ka taiew kaba la dep.

Sa ar ngut ki para jong u Katdilia, ka Mariaba bad u Amstrong ki dang don haka jingshah sumar NEIGRIHMS. Katba u Dimah Gashnga udei u khynnah 7 snem ka rta, u khun jong u ma Morinson Dhar u don ha Woodlang Hopsital, Shillong.

Lai ngut kiwei pat ki para jong u Katdilia ki dang haka jingshah sumar ha Jowai Civil Hospital, Ialong.