Kitbok kitrwiang ka JSU iaki khynnah ialeh eksamin SSLC bad HSSLC

Syllad | The Rising MeghalayaMarch 3, 2024

Ka Jaintia Students’ Union (JSU) kala kitbok kitrwiang ia baroh ki khynnah pule ka jylla khamtam iaki paradoh parasnam kiba thoh iaka eksam SSLC bad HSSLC jong une u snem 2024.

Ka JSU ha u kyrwoh ba kala phah kala pynpaw ba kine ki ar tylli ki eksamin ki dei kiba kongsan haka jingim pule puthi, kiba long kum ki mawjam ban iarap iaki khynnah ban jied bad bteng iaka lain pule ba shakhmat haka jingim.

Kumta ka JSU kala kitbok kitrwiang ia baroh ki khynnah pule ba kin lehbha ha kine ki eksamin bad ban jop ha kaba kut ban rah iaka burom ialade, ka iing ka sem bad ka jylla baroh kawei.