Kitbok kitrwiang ka Seinraij Mupyut ia u kyrtong Congress na Jowai South

Syllad | The Rising MeghalayaJanuary 21, 2025

Ka Seinraij Mupyut kum shibynta ban pyrto ia kim kiba lehbha u MDC Jowai South ma Saron Pasweth haka 20 tarik kala wan ai iaka jingkyrkhu kyrdoh bad ka jingkitbok kitriwiang na ka bynta ka elekskhon MDC ka ban wan.

Ka shnong Mupyut haka MDC constituency kaba rim ka hap haka Jowai South, bad mynta kane ka shnong kynthup iaka Mupyut A bad Mupyut B mynta kala hap haka constituency kaba thymmai kata Amwi Khliehtyrshi.

U kyrwoh na ka Seinraij Mupyut hapoh ka jingialam jong u Bah Pher Pohsiej kum u Chairman bad u Bah Dre Dkhar, Secretary ila pynpaw ba ka jingwan ai mynsiem bad kitbok kitrwiang ka Seiñraij Mupyut, kadei hadien ba lah dep ia phylliew jingmut napoh ka seng, ia kaei kaba une u MDC u la dep lehbha na ka bynta ka seng bad ruh ka shnong hi.

Lawan ban synran lang da ki katto katne ngut ki dkhot ban mih khmat na ka bynta ka Seiñraij. La pynlong ia ka nguh ka dem na ka bynta u Saron ba wat lada um ioh shuh ban iadon bad ki, hynrei U Blei un ialam ia u, ka lynti babha bad ba paka.

Laioh ka jingkren na u Secretary, Seiñraij Mupyut, uba la pynsngew ka jingduh ka bakhraw ha kane ka delimination ne ka bhah constituency, ba ki laduh ia u ma Saron kum uwei na ki MDC ba la trei bor bah ia ki kam, kumba u la kular. U la ai kitbot kitrwiang da ki kyntien bakhia ba u Saron un Jop don burom ha kane ka kynti ruh, da ka jingkyrkhu jong u Blei.

Pynkup burom ki ar shnong ia u Saron Paswet MDC Jowai South

U briew ba ngi iohi tang ia ka khmat phuhsamrkhie bad ba iadei paralok ia baroh hapoh ka shnong ka thaw ha kajuh ka por hapoh ka Seiñraij Mupyut, ong u bah Pher Pohsiej. U la punpaw ka jingsngew diaw mynsiem, da kaba ong, tip ngin ioh ne ngin ymioh MDC shuh kiba kum u Saron, ha kajuh kapor u khmihlynti ia kaba bha, ba u MDC u ban sawan na ka constituency ka jong ki, un salong kumba shait long une u barim. U la kyntu jur ia ki paid ka constituency na ka Jowai South ba kimdei ban shah ialam bakla, da kano kano ka lynti ba kinduh ia une u MDC u baiaid ka lynti bakhuid bad ba hok. U bah Pohsiej, u la ai ka jingkyrkhu da ka ong, to u Blei un don ryngkat bad phi ma Saron ha ki kam baroh, ba phin jop donburom ha kane ka kynti bad phin ioh ban pynurlong ia baroh ki jingthmu ki jongphi.

La sakhi ia kane ka jingwan ka jong ki, da ki katto katne ki dkhot ka Block Congress kiba iadonlang bad u candidate.