Kitbok kitrwiang ka Tyrsad Area Sports Association iaka khynnah ialehkai ban mihkhmat sha ka Sub Junior National Football Championship

Syllad | The Rising MeghalayaAugust 26, 2023

U Bah Phelenstar Rani bad R.A Rangslang, kiba long President bad General Secretry ka Tyrsad Area Sports Association (TASA) ki la ai ia ka kitbok ka kitrwiang ia ka khynnah ialehkai phutbol ka Wanrihun Kharnaior, kaba ialekai kum ka striker, kaba la shah jied naka bynta ban iadon bynta bad ka kynhun ki thei ialehkai phutbol jong ka Meghalaya ban aireng ha ka lympung ialehkai ka Sub Junior National Football Championship kaban long ha Punjab.

Ka Wanrihun ka dei ka khynnah kaba la sain dur ia ka ha ka shlem ai jinghikai ba kyrpang ki khynnah rit ba la tip ia ka kum ka Grassroot Center, kaba dei kawei na ki shlem ai jinghikai ba kyrshan lyngba ka tnat Sports jong ka TASA bad ka dei ka khynnah kaba pule ia ka Class VII ha Tyrsad Higher Secondary School

Ha kane ka shlem ai jinghikai ba don ruh bad arngut ki coach ki don ym duna ia 80 ngut ki khynnah shynrang bad kynthei bad kane ka long ka burom kaba khraw ia kane ka shlem ba kan sei ia ka khynnah iaehkai kum ka Wanrihun ban ioh ia ka kabu ban mihkhmat ia ka jylla.