Kitbok kitrwiang ka WJDSA ïaka Niaw Wasa Utd ka ban mihkhmat iaka jylla haka Hero Futsal Club Championship ha New Delhi

Syllad | The Rising MeghalayaOctober 27, 2021

Haka sngi Balang ka West Jaintia District Sports Association (WJDSA) kala pynlong iaka jngialang kitbok kitrwiang bad pyneh bok nusip ïaka Niaw Wasa Utd SCC ka ban leit iashimbynta sha lympung ialehkai Hero Futsal Club Championship kaba pynlong da ka All India Football Federation ka ban sdang naduh ka Naiwieng 5-13, 2021 ha sorbah New Delhi

Kane ka lympung ka dei kaba nyngkong eh kaba la pynlong haka ri bad ki don haduh 16 tylli ki kynhun ki ban iashimbynta ha kane ka lympung.

Kine ki club ki kynthup iaka Baroda FC (Gujarat), Chanmari Zothan Futsal (Mizoram), Kuppuraj FC (Puducherry), Super Strikers FC (Karnataka), Speed Force FC (Telangana), Sporting Clube de Goa (Goa), Delhi FC (Delhi), Real Kashmir FC (Kashmir), Telongjem FC (Nagaland), Classic Football Academy (Manipur), Mangal Club (Odisha), Niaw Wasa United Sports & Cultural Club (Meghalaya), Bengaluru FC (Karnataka), TRAU FC (Manipur), Mohammedan SC (West Bengal), Sudeva Delhi FC (Delhi).

Ka WJDSA kala synniang T.40, 000 sha ka Niaw Wasa Utd SCC bad kala aiti iaka cheque sha u ma Monlang Nongtdu u trai ka club haka jingialang kitbok kitrwiang kaba long ha Kiang Nangbah Stadium. La iadonlang u EMH Passah Working President WJDSA, Hony General Secretary WJDSA ma Lammat OO Laloo, JM Paswet Treasurer WJDSA haka jingiadonlang u coach ka Niaw Wasa, Player. Kane ka kynhun kan mih lashai ka sngi (28 tarik) na Jylla.