Kmen ki paidbah ba pyndap maw khyndew iaka surok Mooshrot Laskein

Syllad | The Rising MeghalayaAugust 14, 2022

Ki paidbah nongshong shnong ka thain Mowkaiaw Constituency khamtam ki shnong kiba hap iaid lynti na u surok na Lad Mooshrot sha Laskein kila pynpaw iaka jingkmen ba mynta ki la khamsuk ka leit ka wan hadien bala dep ka jingmaramot paidbah iaka surok kaba la ieh ka PWD khlem maramot.

Kumban shu pynkynmaw ba ki paidbah katei ka thain kila mih paidbah ban pyndap iaki thliew ki syar ha shilynter jong ka surok naduh na lad Mooshrot haduh Laskein.

La iathuh ba ia kane ka jingsiang maw bad pyndap khyndew iaka surok la kyrshan bad synniang lang da u kyrtong jong ka Congress Nehemayah Tyngkan ha ryngkat ki nongkyrshan jong u ban pynjem iaka jingeh u paidbah ban leit ban wan khamtam haka shitom ka saja.ha ryngkat ki nongkyrshan jong u kila iarap ban maramot pynbha ia u surok ba ki paidbah ki leit ki wan.

Ki paidbah ba iaid ba ieng lyngba kane ka surok kila pynpaw iaka jingsngewnguh shi katdei eh ia u Nehemayah Tyngkan namar mynta la 5 snem ngi hap iaid haka surok kaba khohrum khohram watla ia kane ka surok ka pyndonkam da ki bun tylli ki shnong ban leit ban wan ruh.

Ka kong J Lyngdoh kaba na Mooshrot kala pynpaw ba mynta kila kham sngew shngain ban iaid na kane ka surok, hynrei shuwa kane teng teng ngi sngew kum ba ym poi shuh sha ka jaka kaba ngi thmu ban leit. Kala ong ruh ba mynta da ka jingpyndap iaka surok kala kham pynjem iaka jingeh jong ki haka leit ka wan.