Kner jingiarap ka FKJGP sha ka skul Iewrynghep SS, Mawnianglah bad pynkut iaka Lai Shnong Area Knock-out Football Tournament

Syllad | The Rising MeghalayaJanuary 28, 2021

Ka Federation of Khasi Jaintia & Garo People (FKJGP) Lai Shnong Area Unit ha ka 26^th January (Kyllalyngkot) 2021 kala pynhap pyrda noh ia ka 1^st FKJGP Lai Shnong Area Knock-out Football Tournament 2021.

Ha ka jingiakhun final ka Mawnianglah-B Sports Club kala pynliem noh ia ka Mawrashe Sports Club da 2-1 kala ioh ban rah ia ka song tyngka kaba long 5hajar.

Ka jingialehkai kalong kaba pynshongshit ia ki paidbah kiba la wan ban sakhi bad ban kyrshan iala ki jong ki kynhu.

Nalor ka jingialehkai Football ha katei ka sngi na ka liang jong ka FKJGP Mawnianglah Unit kaba long kawei napdeng ki tnad treikam kaba hap hapoh ka jing peit jing khmih jong ka FKJGP Lai Shnong Area Unit kala synniang jingiarap sha ka Skul Iewrynghep Secondary School, Mawnianglah da ki ar tylli ki Top Syntex kiba 1000 ltrs.

Ka FKJGP kala synniang da ki syntex sha katei ka skul hadien ba na ka liang jong ka seng kala ioh ia ka jingud jing nam jong ki bor pyniaid jong katei ka skul. Ia kitei ki Syntex la aiti sha ki bor pyniaid jong ka skul da u Bah Arphin Marbaniang, Asst. General Secretary FKJGP Upper Shillong Circle uba la long ruh kum u Kongsan ha katei ka sngi.

Ha kane ka jingpynkut noh ia kane ka jingiakhun football ka FKJGP la iadonlang ryngkat ki Rangbah Shnong kiba kynthup ia i Bah Tairus Mawphniang, Rangbah Shnong Mawrashe, I Bah Teilang Nongkhlaw, Rangbah Shnong Mawkhan, Bah S. Rynjah Headmaster Iewrynghep Secondary School lem bad ki President & General Secretary jong ka FKJGP na ki Unit ki bapher bapher jong ka FKJGP Upper Shillong Circle kiba kynthup ia ka Baniun Unit, Pomlum Unit, Mawnianglah Unit, Mawrashe Unit & Mawkhan Unit. Ia ka jingialang ha katei ka sngi la pyniaid da u Bah Hopewell Kharkongor, President FKJGP Lai Shnong Area Unit.