Kner jingiarap ka HYC haki shnong ba hap ha Narpuh

Syllad | The Rising MeghalayaOctober 27, 2020

Ka Hynñiewtrep Youth Council (HYC) Narpuh Circle ka la kner jingïarap da u khaw bad synñiang pisa shaki longïing baduk jong ka Shnong Chiehruphi, Mosianglamare Rim, Umlong bad ka Brishyrnot kiba hap ha Narpuh Elaka, East Jaiñtia Hills District.

Ka HYC Narpuh Circle ka khmih lynti ba kane ka jingsynñiang kan long ka jingkyrkhu ïa kito ki longïing baduk bad khmih lynti ruh ba nangne shakhmat kan nanglah shuh shuh ban ai jingïarap sha ki longïing kiba shem lanot.

Ha kajuh ka por ka HYC kala pdiang ruh iaki 8 ngut kiba pynïasoh bad ka HYC Narpuh Circle bad la pynskhem ia ki da Organising Secretary sengkmie u Rockestar Warjri.

Ka jingwan ïasoh ki 8 ngut ki dkhot thymmai kan nangkhlaiñ shuh shuh ka rukom treikam ka HYC hapoh ka bri u hynñiewtrep, ong u Pyndap Syiemlieh Public Secretary HYC.

Kitei ki 8 ngut ki dkhot thymmai ki long Pyndap Syiemlieh, Kamnipaya Siangshai, Yowanmi Shylla, Danial Pohïng, Pyntngeng Pohïng, Dismit Sumer, Manbha Pyrngap bad Shaiñbhameki Sumer.