Kner jingiarap ka Indian Red Cross ha Jalyiah

Syllad | The Rising MeghalayaMarch 13, 2022

Ki dkhot ka Indian Red Cross Society na Shillong haka jingïalam ka Amilia Swer, Vice Chairperson IRCS Meghalaya ryngkat ki dkhot ka Meghalaya Scouts-Guides Fellowship, Jaintia Hills ba kynthup ïa ka Rethelma Passah, ka Lahiroi Lamare bad ka Gracely Pde haka 11 tarik une u bnai ki hisr sha ka shnong Jalyiah, East Jaintia Hills District ban ai jingïarap da ki kymbor (blanket) bad ki tiar kum ki sabon, tooth brush, toothpaste sha ki longïing kiba don jingduna haka ïoh ka kot.

Shwa ban aiti ïaki kymbor ka la don ka jingïalang lyngkot bad ka ïoh ka jingkren lyngkot na u Andrew Sawian, General Secretary IRCS Meghalaya bad ka Amilia Swer, Vice-Chairperson IRCS Meghalaya kiba la iathuh ïaka rukom treikam ka Indian Red Cross Society kum kawei na ki seng kaba ïarap ïaki briew haki por ba don ka jingtynjuh khlem poi pyrkhat hapoh ka imlang sahlang.

U Dorbar shnong Jalyiah ka la pynpaw ka jingsngewnguh bakhraw ïaki dkhot ka Indian Red Cross Society, Meghalaya kumjuh ïaki dkhot ka Meghalaya Scouts-Guides Fellowship, Jaintia Hills kiba shim ïaka bynta ba bha haka imlang sahlang.