Kner jingiarap ka Kong Chiarmon sa iaki longïing baduk ha Mookhep

Syllad | The Rising MeghalayaApril 23, 2020

Ka Kong Chiarmon Dkhar, kaba na ka shnong Wapungskur, East Jaintia Hills District, kaba la ju leh ia ki kam lehisynei ia ki longïing longsem ba duk ba kyrduh, ka la bteng biang ia kane ka kam lehisynei jong ka sa ha ka shnong Mookhep, East Jaintia Hills haka sngi Palei.

Ka kong Chiarmon kala synniang mar 17Kg  u khaw ia ki 110 tylli ki longing longsem ba duk ia kiba la shah ktah jur na ka daw jong ka jingpakhang shnong ka Ri India na ka daw jong ka jingpang-khlam, COVID-19.

Ha shuwa ban sam ia u tei u khaw sha kitei ki longiing, la pynlong ia ka jingialang kaba rit, ia kaba la pyniaid da U Arki Dhar, Chairman Shnong jong ka shnong Mookhep.

La ioh ia ki jingkren lyngkot kiba kynthup ia ki jingkren sngewnguh ia ka Kong Chiarmon Dkhar, da u Waheh Chnong jong ka shnong Mookhep, u Ma Denis Siangshai, u ba la iaroh bad sngewngooh shi katdei eh ia ka Kong Chiarmon Dkhar namar ka jingsbun mynsiem ban iarap ia ki ba duk ba kordit ha ka imlang ka sahlang kynthup ia kiba don ha ka shnong Mookhep.

U la ai ruh ka jingkyrkhu kyrdoh bad kitbok kitrwiang ruh ia Kong Chiarmon bad ia ka ïing ka sem jong ka khnang ba kin shait kin khlaiñ bad kin roi kyrhai ha baroh ki liang khnang ba kan leh ban nang iai bteng ia kane ka kam ba khraw jong ka sha ki kup shiliang sem shiliang ha ka imlang ka sahlang.

La ioh ruh sa ia ka jingkren lyngkot bad sngewnguh ia ka Kong Chiarmon Dkhar sa na u Ma Francis Dkhar, u Secretary Chnong jong ka shnong Mookhep, ha kaba u  la ong ba hadien  ba u la ioh ia ki jingeh ba ki long iing longsem ba duk ba kyrduh jong ka shnong Mookhep ki ia kynduh mynta, ha ka jingpyrshang jong u ban wad ia ki lad ki lynti jingiarap ia ki, u la kum poi iakren bad ka Kong Chiarmon Dkhar. Ka kong Chiarmon Dkhar marsien oh sngew ia kane, khlem da pynslem ka la leit sha ka shnong Mookhep bad ai jingiarap ia kine ki longing long sem ba duk da u khaw.

“Kum I Kong Chiarmon Dkhar, ka kham eh bha ban shem ha ka imlang ka sahlang bad kaba don iaka mynsiem ban ai”, ong u Ma Francis Dkhar.