Kner jingiarap ka kynhun Kner Da Jingieit ha Syrpoo Sutnga

Syllad | The Rising MeghalayaDecember 29, 2021

Ka kynhun Kner Da Jingieit ba na Shillong hapoh ka jingialam u Pastor TP Kurbah bad u Bah Jesse James L Nongpyuir ha ryngkat bad ki paralok jong ki kila ai sngewbha da ki blanket bad ki tiar ïing sha ki katto katne ki longiing haka dong Syrpoo Sutnga haka 28 tarik une u bnai.

Kane ka jingai sngewbha kane ka kynhun kalong kum shibynta lehkmen Christmas. Ha kane ka jingai sngewbha kane kynhun Kner Da Jingieit la iadonlang u Rangbah Dong, u Forgive Dkhar, katto katne ki dkhot ka Executive Committee jong ka Dong Syrpoo bad ki longiing kiba ioh pdiang ia kine ki jingai sngewbha.

U Secretary ka Dong Ma Shan Nongtdu ka pynpaw iaka jingsnewnguh bad sngewburom ia kane ka Kner Da Jingieit kaba la wan abn ai sngewbha ia kine ki tiar kiba long ki jingkyrkhu kaba khraw ia kiba bun ki longiing ha katei ka dong. Ula kitbok kitrwiang ia kane ka kynhun ba nang lah ban leh ki kam ba bha haka imlang ka sahlang.