Kner jingiarap ka MPUF sha ka lanot pluh iing ha Molamanoh

Syllad | The Rising MeghalayaJanuary 22, 2021

Ka Meghalaya People United Front (MPUF) Khliehriat Circle haka sngi Palei kala synñiang jingïarap sha kawei ka longïing kaba la ngat haka jingshah bam duh haka ding haka shnong Molamanoh, East Jaintia Hills District.

Katei ka ïing kadei jong ka Kong Teilang Dkhar bad ka jingpluh ding kaba la wanrah ka jingjulor kaba bun.

Na la liang ka MPUF Khliehriat Circle ka la noh jingïarap da u khaw bad kiwei ki tiar jingdonkam ba man ka sngi.

Ha kane ka jingleit ai jingiarap ka MPUF la lamkhmat da u Sanjoy Bareh President Khliehriat Circle haka jingdonlang u Vice President Khliehriat Circle u Bantei Suklaiñ, u General Secretary ka MPUF-EJHD u Kmenlang Siangshai bad kiwei ki dkhot jong ka MPUF.

U Waheh Shnong ka Malamanoh u Dras Siangshai ula ai khublei ïa baroh ki dkhot ka MPUF kiba la mih shakhmat ban ïarap ïa kane ka longïing kaba la ngat haka jingjia kaba sngewsih.