Kner jingiarap ka Ramakrishna Mission ha Jalyiah bad Khliehmyntriang

Syllad | The Rising MeghalayaJune 6, 2021

Ka Ramakrishna Mission, Sohra lyngba Relief Camp jong ka kala kner jingiarap da kaba synniang da u khaw bad dais ha ka Dong Moolari Jalyiah bad ka Seiñ Raij Shnong Khliehmyntriang, East Jaintia Hills District ka 5 tarik une u bnai.

Ha kane ka jingsam marbam ka Ramakrishna Mission la iadonlang u Phrangki Siangshai, Secretary Dong Moolari ryngkat katto katne ngut  ki dkhot.

Ka Dong Moolari Jalyiah bad ka Seiñ Raij Shnong Khliehmyntriang kala pynpaw iaka jingsngewnguh iaka Ramakrishna Mission, Sohra Shillong, kaba la kloi ban kner ka kti ka diang ka mon jong ka ban ai ka jingiarap shaki longïing baduk ba kyrduh hapoh ka imlang sahlang ha kum kane ka por ba wan lyngshop ka khlamCOVID-19

Ka Dong Moolari Jalyiah bad ka Seiñ Raij Shnong Khliehmyntriang kila pynpaw ruh iaka kynhun jong ka  Mission baroh kawei naduh ka Madam G Majaw, ia u Maharaj bad khamtam ia u Waheh Manbha Langdoh u ba peit sha kane ka thain kaba lyngba jong u ki paidbah ka thain kila ioh iaki lad jingiarap.

Ka Dong Moolari Jalyiah bad ka Seiñ Raij Shnong Khliehmyntriang kala ai iaka jingkitbok kitrwiang iaka Mission khnang ba kan nang lah shuh shuh ban ai ka jingshakri ia u paidbah, bad kumjuh ki ai ruh ka jingkitbok iaki  nongkitkam jong ka ba U Blei Trai Kynrad un nangtheh ka jingkyrkhu iaki bad iaka ing ka sem jong ki ba kin ioh iaka met ka phad ba koit bakhiah bha.

U Waheh R.Harvis Phawa, Assistance Secretary Dong (Club) Moolari Jalyiah bad u Waheh Joining R Dkhar Ex-Waheh Shnong Khliehmyntriang kila ong ba kin iai pyrto shi junom iaki kam babha jong ka Mission namar ka jingiarap jong ka mission kala wanrah ka jingmyntoi kaba khraw ia u paidbah khamtam u kup shilliang sem shilliang.