Kner jingiarap ka Seng Khasi Kmie da ki marbam sha Seng Khasi Tyrsad

Syllad | The Rising MeghalayaJuly 5, 2021

Ki nongialam jong ka Seng Khasi Tyrsad Circle ha u kyrwoh kaba la phah kala pynpaw ia ka jingai khublei bad sngewnguh ba shi katdei eh ia ka Seng Khasi Kmie, Shillong, hadien ba ka la leit ba kan iarap da ki marbam sha kane ka jylli treikam jong ka Seng Khasi.

Ka jingaiti ia kine ki marbam sha kane jylla ka Seng Khasi Tyrsad kala long hynnin ka sngi Robibar ha kaba ka kynhun ki samla Rangbah ka Seng Khasi Kmie, hapoh ka jingialam u Rgh Da-o-Hi Suiam Social Secretary bad u Rgh Hammarsing Kharhmar Asst Publicity Secretary Seng Khasi Kmie, ki la pynpoi ia ki song marbam bad ban aiti ha ha ki nongialam ha iing skul jong ka Seng Khasi School, Umkseh.

Ia kine ki song marbam, na ka liang ka jylli jong ka Seng Khasi Tyrsad la pdiang sngewbha da u Rangbah Dlipstar Rani nongialam jong kaJylli Seng Khasi Tyrsad bad sakhi lang da ki dkhot nongkit kam jong ki tnat kiba hap hapoh u pud u sam jong kane ka jylli

Ki rangbah nongkren ki pynpaw ia ka jingsngewnguh ia ki nongialam ka Seng Khasi Kmie, kiba la shim ia kum kane ka sien jam kaba ym tang ban wanrah ia katta ka jingiajan ne iadei, hynrei kaba kham kongsan eh ha kum kane ka por ba kum ka Seng Kmie ka la leh, ka long da shisha kaba kin iai sah kynmmaw ne ban pyrto junom la junom.

Kat kumba lah ban sngewthuh ei, ba kane ka jingkner kti lem da ka Seng Khasi Kmie, ka long ba kan noh synniang katba lah ei I buit I bor ba ki parakur parakha ba don hapdeng ka khia ka shon, ka jynjar ka lanot, ba ha kum kane ka por ka saw ka sian jong ka jingwan ban lyngshop ka khlam ka ngoh ba kin lait na ka thngan ka jingit.