Kner jingiarap ka Sur U Paidbah East Jaintia Hills sha ka jaka ri khynnah ha Tuberkmaishnong
Ka Sur U Paidbah East Jaintia Hills, ka synjuk kaba la thaw ban peit iaka bha ka miat ka East Jaintia Hills kala kner la ka jingiarap jong ka sha kawei ka jaka ri khynnah, ka 7-Thyndai Child Care Institute Cum-Counselling Centre (Orphanage Home) kaba don ha Tuberkmaishnong, East Jaintia Hills District.
Ia kine ki tiar kiba kynthup iaki marbam la aiti haka sngi Saitjain da ki nongialam ka Sur U Paidbah East Jaintia Hills haka jingialam khmat u Dr. Ryngkat Phawa Chairman Sur U Paidbah East Jaintia Hills haka jingsynralang Streamly Suchen Assistant General Secretary bad ki dkhot ba kynthup ia u Justice Lyngdoh, Livingstone Phawa, Jespar Bareh, Everlast Nongtdu, Ka kong Crescent Tlang, Burom Tlang bad u Harvis Phawa sha ki nongialam ka Seiñ Manbei Seiñraij Tuber kaba pyniaid ia kane ka jaka ri khynnah.
![](https://www.syllad.com/wp-content/uploads/2024/09/JIT-Vacancy-823x1024.avif)
La ioh iaka jingnguh blei na u Jiedlang Sana uab long ruh u Waheh Chnong ka Tubekmaishnong, ka jingkren n aka kong Melis Dkhar ka Secretary 7-Thyndai Child Care Institute Cum-Counselling Centre kaba la iathuh iaka jingiaid lynti ka centre.
La ioh ka jingkren na u Justice Lyngdoh, Harvis Phawa kiba la ai mynsiem ia ki nongpyniaid ka jaka ri khynnah bad ba kim dei ban duh jingkyrmen lada ki kynduh ki jingtynjuh haka jingiaid lynti namar ba ka kam kaba ki leh kadei ka kam kaba don burom bad ban iarap ia ki para briew khamtam ki khynnah kiba donkam iaka jingsumar ban miat ban bha ka lawei jong ki.
Kila kitbok kitrwiang ia kane Sein Manbei Seinraij Tuber bad kin lah ban pyniaid shaphrang ia kane ka jaka ri khynnah.
![](https://www.syllad.com/wp-content/uploads/2021/06/SUP.jpg)
Na kaliang ka Seinraij bad ka jaka ri khynnah kila ai khublei iaka Sur U Paidbah East Jaintia Hills bad kitbok kitrwiang iaki nongialam ba kin nang lah ban shakri bad peit ia ka miat ka bha ka district baroh kawei.
KI tiar kiba la ai ka Sur U Paidbah East Jaintia Hills ha katei ka jaka ki kynthup iaka almari, ki khiew shet ki pliang, u khaw, phan, dai, pylleng bad kiwei kiwei.
![](https://www.syllad.com/wp-content/uploads/2021/06/KSUP.jpg)
Nga kyrpad iaka sur u paidbah ban leit iarap iaka Neima ha sahsniang. Kumba nga tip ki kham kyrduh mynta