Kner kti jingiarap ka Sur U Paidbah East Jaintia Hills sha ki lanot pluh ïing

Syllad | The Rising MeghalayaApril 13, 2024

Ka kynhun jong ka Sur U Paidbah East Jaintia Hills, haka 11 tarik Iaiong, kala leit ban iarap sngewlem ia kawei na ki longiing ba ngat haka jingpluh iing haka shnong Kuliang, East Jaintia Hills District.

Katei ka kynhun ka la ioh ban synniang daka pisa kumba T.47,000 (Saw Phew Hynniew Hajar tyngka).

Ha kane ka jingleit iarap katei ka kynhun la iadonlang da ki ar ngut ki Chief Adviser ka kynhun, kata u Bah Kerlang Ksoo, bad u Bah Kynjaimon Amse ha ryngkat ka jingiasynranlang jong u Asst Secretary General u Bah Streamly Nongjop Suchen bad u Samla Phanuel Tongper.

Lah ban pynkynmaw ba haka 30 tarik u bnai ba la dep kawei ka longiing jong u Bah Wanmon Pohshna bad Kong Wanrilang Talang ki la mad iaka jingjia ba sngewsih naka jingbamduh ka ding ia ka iing jong ki.

Ia kane ka jingleit iarap sngewlem katei ka kynhun la sakhi ruh da u Rangbah Shnong ka Shnong Kuliang, u Bah Min Lamare bad u Secretary Shnong u Bah Perwon Nongpluh.

Bam duh ka ding iaka ïing ha Kuliang