Kner kti jingïarap ka Rotary Club Jowai da ki tiar iada COVID-19 iaki nongïalam niam

Syllad | The Rising MeghalayaJune 3, 2021

Ka Rotary Club Jowai kum kawei na ki seng kaba shakri ïaka bha miat haka imlang sahlang ka la synñiang da ki tiar ïada Covid kiba tip kum ki PPE sha ki nongïalam niam bapher bapher jong ka sor Jowai.

Ia kine ki tiar la jingai sha ki nongsharai balang jong ka Balang Katholik ha St. Theresa’s Church Jowai haka 31 tarik Jymmang ha kaba la aiti ïa ki tiar PPE ha u Fr. Hilarius Lamare, Parish Priest Jowai.

Shuwa kane ka Rotary Club ai sha ka Balang Presbyterian Jowai, Balang Thadlaboh Presbyterian, Balang Khimusniang Presbyterian, Balang Mynthong Presbyterian, Balang U Blei Jowai, Balang Unitarian Jowai, Balang Resurrection CNI Jowai bad Seinraij Jowai.

Ia kine ki PPE la aiti haka jingialam u Rtn. SK Lato, President Rotary Club Jowai ryngkat ,ki kiwei kiwei bad kynthup ia u Rtn. Samehi Laloo, Secretary Rotary Club Jowai, Rtn. Mewothi Gatphoh, Sergeant at Arm Rtn. JM Pohsngap bad Rtn. BP Najiar.

Na ka liang u Fr. Hilarius Lamare Parish Priest Jowai ula pynpaw ba u dap da ka jingsngewnguh kaba khraw ïaka Rotary Club Jowai na bynta ki kam ba bha bad ula kitbok kitrwiang ba kan nanglah ban ai jingshakri kaba khambha ïaki nongshong shnong kumjuh ka ri bad ka jaitbynriew.