Kner kti jingiarap ka Sur U Paidbah, East Jaintia Hills sha ka lanot pluh iing

Syllad | The Rising MeghalayaMarch 6, 2024

Ka Sur U Paidbah East Jaintia Hills District haka 5 tarik Lber, kala kner iaka kti jingiarap jong ka sha ka lanot pluh iing haka shnong Tuber Kmaishnong.

Kane ka jingjia pluh iing kala jia haka step 25 tarik Rymphang 2024, ha kaba ka ding kala bam shngiam iaka iing haduh ban da kylla dpei. Kane ka iing ka dei jong ka Kong Ribiang Phawa.

Ka Sur U Paidbah, East Jaintia Hills shibynta ban pynjem iaka jingeh kane ka longïing kala pynlang pynlum ia u synniang na ki nongshong shnong ka thain bad kiba don mynsiem ban ai, ha kaba kila iohlum haduh T.41,100/- bad la ai sha kane ka longïing kaba la kynduh ia kane ka jingjia pluh ding haka 5 tarik Lber.

Ia kane ka pisa la ai leit aiti hapoh ka jingialam jong u Chief Advisor u Ma Kerlang Ksoo ha ryngkat ka jingiasynran u Vice Chairman u Ma Deibormi A Syad bad u Asst General Secretary u Ma Streamly Nongjop Suchen bad kiwei kiwei.