Kner kti jingiarap u nongialam ka FKJGP na Rilum Jaiñtia sha ki briew kiba don jingduna

Syllad | The Rising MeghalayaApril 29, 2020

U Ma Damian S War, u nongialam ka Federation of Khasi Jaintia and Garo Peoples’ (FKJGP) ha Jaintia Hills uba bat ruh iaka kam organising secretary ula kner la ka kti jingïarap jong u sha ki briew kiba duna haka bor met haki ar tylli ki shnong ha West Jaiñtia Hills District.

Kine ki shnong kiba une u nongialam FKJGP ula sam khaw ki kynthup ïaka Umjalasiaw bad ka Mukhnang kba hap hapoh ka Raid Namdong, West Jaiñtia Hills District.

Ha kane ka jingsam khaw u Damian S War la iadonlang kiwei kiwei ki dkhot jong ka FKJGP Thadlaskein Circle.

Shuwa ban sam khaw ha Umjalasiaw la don ka jingialang kaba lyngkot kaba iadonlang u Waheh Shnong u ma Kner Siangshai uba la ai khublei iaka mynsiem sbun une u nongialam uba la kynmaw ban iarap ïa ki khun ka shnong kiba don haka jingduna haka bor met.

La ioh ruh ka jingkren na ka Aroma Pale Secretary VDP, kaba la iathuh ba kum ka longkmie ha kane ka lockdown ki shem jingeh bha ban pyndap pynbiang iaka jingdonkam ha iing hasem bad kane ka jingsynniang u ma Damian kalong ka jingkyrkhu kaba khraw iaki longing kiba duk.

Haka shnong Mukhnang ruh la iadonlang u Waheh Shnong u ma Lang Nongrum, Secretary Shnong u ma Shngaiñ Pyrtuh bad katto katne ngut ki long kmie long kpa kiba ha ïing ha sem jong ki nongshong shnong kiba duna ka dkhot met.

Baroh ki nongkren kila iaroh ia u ma Damian uba la phai khmat ban iarap ïa kine ki longïing kiba duk ba kyrduh bad kiba don jingduna haka bor met.

U Damian haba kren ula kyntu ia baroh ban pdiang ïaka jingai kaba rit jong u bad ula kyntu ia baroh ban bud ryntih iaki jingbthah jong ka sorkar ban iada n aka jingsaphriang ka khlam Cornavirus.