Knieh ki Pulit iaka banner dawa kolej ka JSM

Syllad | The Rising MeghalayaFebruary 4, 2020

JOWAI: Ka jingkylli kaba mih mynta kalong, hato kham khraw ka Constitution jong ka Ri India ne kham khraw u Chief Minister ka Meghalaya namar ki pulit jong ka West Jaiñtia Hills kila knieh ia ka banner jong ka Jaintia Students Movement (JSM) mynta ka sngi.

Ki dkhot jong ka JSM kila wan da ka lynti jong ka jingjaijai sha bar jong ka ophis Soil and Water Conservation ha Mihmyntdu Jowai ka jaka ba long cabinet meeting jong ka sorkar Jylla.

Ki la wan da ka jingthmu ban iakynduh ia u chief minister ban ai ka memorandum ban dawa kolej sorkar ha Khliehriat hynrei ki pulit ki la khanglad ia ki.

Shuh shuh ki mut ban pynlong ka jingiakhih kaba jai jai da ka pyni ia ka banner dawa kolej sorkar kumba la ai bor da ka Constitution jong ka Ri India.

Ki pulit hapoh ka jingialam jong ka DSP jong ka West Jaintia Hills ka kong C W Lyngdoh ka la knieh ia ka banner jong ka seng Jaintia Students Movement (JSM) ka ba dawa govt college ha Khliehriat.