Ko KSU! ko HYC! to ïatreilang noh na bynta ka jaidbynriew kyntu ka HNLC

Syllad | The Rising MeghalayaFebruary 6, 2019

SHILLONG: Ka Hynniewtrep National Liberation Council (HNLC) ka la kyntu kynpham ïa ki sengbhalang bapher bapher jong ka jaid bynriew Hynniewtrep ba kin ïeng tylli bad nym ai lad ban shah pynsaphriang satia.

“Ka KSU, FKJGP, RBYF, HNYF, HANM, HYC, JSU, JYF ki long ki rishot jong ka jaidbynriew Hynñiewtrep, ba ki dei ban ïasnoh kti lang bad ieh ia ki jingïapher jingmut shadien bad buh ia ka bha ka miat ka jaidbynriew ha khmat duh ong u general secretary bathymmai jong ka HNLC U Bah Sainkupar Nongtraw.

Ban shu ia rwai”Ri Khasi Ri Khasi, Nga ieid ïa pha”khlem ka jingïatylli ka long lehnohei katba ka ‘Jaidbynriew’ ka don ha thmier u riat, u la bynrap.

U Bah Nongtraw la ong shuh shuh ba ka shong ha ki paidbah mynta hato ki kwah ban ïohi ia ka jingkylla ne ki kwah ban shah teh shah khum bad ka la por ba ka la dei mynta ban iatreilang kum kawei sur na bynta ka bha ka miat jong ka lawei jong ka jaidbynriew Hynniewtrep.

U la ong ba ka Council kam long pyrshah ia kano kano ka jaidbynriew ne jait niam hynrei ban iada ia ka jaidbynriew Hynniewtrep na ki jingthmu basniew jong ka India te kumta banse kim hap ban kieng aktiar.

Ha kawei pat ka liang, ka HNLC ka la pynlong ia ka jingialang jong ka central executive committee ha 2 tarik u bnai Kyllalyngkot mynta u snem ha Krem Tirot haba ki la jied ia u Bah Bobby Marwein kum u Chairman cum Commander-in-Chief bad U Bah Nongtraw yn bat ïa ka shuki General Secretary bad kumjuh ruh kum u Publicity Secretary.

Kiwei pat ki nongialam ki long u Bah Khrawbok Jyrwa kum Vice Chairman, Alex Diengdoh kum Foreign Secretary, Wanshan Marwein kum Finance Secretary, Riewpyrkhat Sun kum Organising Secretary bad M Rynjah kum Socio Cultural Secretary.