Kohnguh ka Jowai ïaka Social Distancing ban iada na u COVID-19

Syllad | The Rising MeghalayaApril 4, 2020

Ki paidbah nongshong shnong jong ka Jowai bad ki shnong ba marjan kila ai ka jingïatreilang ba pura bad ka bor synshar District jong ka West Jaiñtia Hills District ban kiar na ban ïalum paidbah ha ki jaka die mar bam bad ki dukan dukdoh.

Hynne ka sngi Saitjaiñ la sakhi ba ki paidbah kila bud bad kohnguh ïaka jingbthah jong ka sorkar lyngba ka koit ka khiah ban pynneh ïaka Social Distancing ban iakhun ban pyndkut ia u kynjri jing pur u khniang Coronavirus bad kam don shuh ka jingiatur ne ka jingkhnieh ban ïathied ia pet ha ki jaka die jingdie ha ki jaka iew ha Jowai ha Iawmusiang bad Ladthadlaboh.

U District Magistor ula ailad ïaki nongshong shnong ban iathied iaki jingdonkam na ki dukan mar bam haduh lai sien shitaiew sngi Nyngkong, Sngi Balang, bad ka Sngi Saitjaiñ naduh ka por 9.00 A.M. haduh 12.00 PM.

Ki dukan kiba la tip kum ki Distributors, Wholesalers kiba la shah ban ai mar sha ki dukan groceries bad kiwei ki dukan ban ïatreilang bad ki dukan retailers ban ai mar sha ki dukan die mar bam bad ki retailer naduh ka sngi Ba Ar, Ba Saw, bad ka Thohdieng West Jaintia Hills District.

Ka bor district kala ioh ruh ka jingiateilang jong ki shnong ha baroh ka Jowai bad ki shnong haki thain nongkyndong ha kaba kam don shuh kata ka jingiatur ban thied iaki mar bam ha kine ki khyndiat ha kaba ki shnong kila pynbeit ban buh jaka die hala ki jong ki dong ne kyntoit.