Kren bynñiaw u general secretary thymmai ka JSU ba sah dien ka Rilum Jaintia
U Treilangbor Suchen, general secretary ba thymmai ka Jaintia Students’ Union (JSU) ula kren bynniaw halor ba bun ki samla kiba don ka sap haki kam ïalehkai bapher bapher bad kiba ïa don bynta haka National Level, hynrei kaba sngewsih ka long ba ka sorkar Jylla ka leh klet ïaka rilum Jaintia bad kam shym la ioh wat tang kawei ka jaka ialehkai kaba pura.
Haka National Games ruh ïaka Jaintia la leh klet iaka bad ym shym la jied wat tang iaka kawei ka shnong ban pynlong jingialehkai, kaba dei kawei na ki lad ban ioh tei iaki jaka ialehkai ban kyntiew bad ai mynsiem iaki samla ban ialehkai. Ula pynpaw iaka jingbynniaw ba ki khynnah samla ki jah lynti haka imlang sahlang na kata kadaw donkam ban don kawei ka jaka ai jinghikai ïaki khynnah samla ba kin long ki khlur jong ka ri.
Ula kyrpad iaki 7 ngut ki nongmihkhmat na rilum Jaintia ba kin phai khmat sha rilum Jaintia ban pyrkhat thymmai ban wanrah iaki lad pynroi ban im jakpoh ki nongshong shnong haka jaka u dewiong namar kumba long mynta ïaka ri Jaintia la bna ïaka tang haka nam shalan tuh ia u dewïong.
Ka pyrthei mynta kadei ka pyrthei kyrduh kam kyrduh jam kumba la iohi haka jingthepkam ha PHE da ki hajar ngut kiba thep ïaka post kaba tang 10-20 post bad kane ka pyni ba ka jaitbynriew Khasi Pnar ka shaniah tang haka kam sorkar.
“Ngi dei ban long kum ki nong Manipur kaba phai khmat bad pynleit jingmut shibun na ka bynta ban kyntiew iaka kam ialehkai sports,” la ong U Treiborlang bad kyntu ia u Nujorki Sungoh ban iakren bad u Myntri rangbah ka Jylla ban ai ïaka Complex kaba iadei bad ki khynnah samla khamtam ban iashim bynta haka National Games la ka long haki indoor outdoor bad ba ka rilum Jaintia kan long haka map jong ka National Games ka ban sa wan.
Ka JSU ka ieng tylli ban iada iaka jaitbynriew Khasi Pnar hynrei kaba sngewsih ka long ba ka ILP kaba la dawa kam poi shano shano.
Ula ong ruh ba katkum ka jingwad bniah jong u la iathuh ba hashwa ban ioh iaka Hills State ka Jylla ka don tang kumba 11 lak ngut bad mynta la jan dap 50 snem ka jingbun briew ka la kot 34 lak ngut hapoh ka Jylla bad na kitei ki 34 lak ngut tang 12 lak ngut kidei ki Khasi Pnar bad kiei kita pat kiba la pyndap iaka ri Khasi Jaintia.
Facebook
Instagram
Youtube
Twitter
Lah beij une u briew.. um ju poi sha Madan kiang Nangbah staduim.. um tip ba ka sorkar ka dang ialeh ban pynbha iaka madan… JSU phi wad Jingshai kylleng pyrthei, Jingshai ha ri phim tip ei ei.