Kren byñniaw u MLA Raliang ba khlain ka jingkylla niam ha Raliang

Syllad | The Rising MeghalayaNovember 23, 2021

U MLA ka Raliang u ma Comingone Ymbon  ula kren bynָñiaw halor ka jingkhlain ka jingkylla niam haka shnong Raliang.

“Ka niam tynrai ka dei ka niam tip briew tip blei kaba dang kheiñ ïaka sang ka ma bad ki kam sniew kam smeh kiba bunjait ha sla pyrthei,” la ong u ma Comingone Ymbon haba plie iaka jingshad tynrai kaba long ha madan Shrah Umphula Raliang haka jingpyndep iaka lehniam Kopati Puja.

Haba kren shuh shuh kum u kongsan u ma Comingone ula ong “Haka jingshem jong nga haka shisnem ka jingkylla niam ka khlain bha bad ka shnong Raliang ka dei kaba bun tam, hynrei phi kiba bat iaka niam tynrai phi dei ban pyrkhat bad ngam kwah ban kren bunktien.”

U Ma Comingone ula ong “Nga ngeit ba baroh ki niam ki hikai iaka ba bha, hynrei ngi dei ban ieit iala ka jong ka niam tynrai bad ban burom ia ka niam kiwei.”

“Nga dang bat iaka niam tynrai bad nga sngewsarong,” ong u ma Comingone bad ula ong kumba long mynta ki samla kila sdang ban kyndit bynriew bad kila sdang bad ieit iala ka jong ka niam.

Ula ong ruh ba ai ba kane ka Kopati Puja kaba la lah ban pyndep mynta ka snem kan wanrah iaka roi ka par salonsar ia baroh u khun u raiot ka Elaka Raliang.

Shuwa kane kala don ka jinglehniam naduh ka por mynstep kaba kynthup iak Than Blai ha iung U Sohblai, Knia Puja ha law kyntang bad ka Shad Mastieh haka jingiadonlang u Dolloi ka Elaka Raliang ma Chawas Lyngdoh uba long u khlieh ka niam bad kiwei kiwei ki nongialam niam.

Hadien kane Lai U Sohblai (Wamon) U Wasan Nohblai bad ki paidbah shynrang sha Wah Umiuriem bad pyntuid iaka blei bad pynher ruh iaki ar tylli ki paro.