Kubur u Medical Superintendent ba duna doktor, nongtrei ka Maternal Child Health Hospital

Syllad | The Rising MeghalayaSeptember 1, 2023

U Medical Superintendent jong ka Maternal Child Health Hospital (MCH), Jowai ula kubur ba duna doktor, nongtrei nalor ki nongtrei grade IV kaba buh jingeh iaka hospital ban pynbiang iaka jingshakri sha u paid nongpang ka District bad kiba nabar.

Ia kane la iathuh da u Medical Superintendent MCH, Jowai Dr Ebenezer War ha khmat ka synjuk ki waheh shnong Jowai kiba la jurip iaka jinglong jingman kane ka jaka sumar haka sngi Thohdieng.

Ia kane ka jaka sumar la plie kyrkieh da ka sorkar hadien ka jingpynbor na kynhun sengbhalang ki nongtrei kam bhalang bad kiwei kiwei, hynrei ka don pat shibun ki jingduna kaba kam lah ban ai ka jingshakri kaban pynhun ia u paidbah.

Kane ka hospital 100 jingthiah ka don mynta haka khim ka khait bad iakynduh mawsiang namar ka jingduna nongtrei naduh ki staff, ki nos, ki doctor, Biochemical Engineer kynthup ki nongtrei Grade IV, la ong president ka synjuk waheh shnong Jowai, ma Alan Niangti hadien ka jingiakynduh ia u Medical Superintendent MCH haka jingiadonlang kiwei kiwei ki dkhot nongkitkam ka synjuk.

U Ma Alan Niangti ula ong baka jingjurip jong ki ia kane ka jaka sumar ka long ban tip iaka jingshisha namar kum ka synjuk ka ioh pdiang iaki ujor ba kane ka hospital kam pat long kaba biang.

Ula iathuh ba na ka liang ka Hospital, ki la ialeh shitom ban iakren bad ki bor ba halor ban pynbiang iaki jingdonkam jong kane ka Hospital. Ula ong ruh ba nakaliang ka synjuk kan shimkhia ban iakren halor kane ka jingeh sha ki bor ba dei peit.