Kubur u Secretary VEC Pdengshakap ba pyndonkam bakla iaka pisa bylla 100 sngi: BDO

Syllad | The Rising MeghalayaMay 13, 2021

U Block Development Officer, Amlarem, u Dr. D Lyngdoh ula ong ba u Secretary Village Employment Council jong ka shnong Pdengshakap ula kubur ba ula pyndonkam bakla iaka pisa bylla 100 sngi ne ka ne ka skim Mahatma Gandhi National Rural Employment Guarantee Scheme (MGNREGS).

U BDO ka Amlarem marsien saphriang ki dur pynkieng tin ia u Secretary VEC u Khmihlang Surong halor ka jingshah kynnoh nongtuh iaka pisa 100 sngi haka sngi ba Ar, ula hiar dalade sha katei ka shnong ban tohkit.

Haba iakren bad u syllad, u BDO ula ong ba na ka pisa T.17,53,003, une u secretary VEC Pdengshakap ula lah ban pynphai iaka pisa T.709000/-

Pynkieng tin ki paidbah ia u Secretary VEC Pdengshakap, kynnoh tuh iaka pisa 17 lak na ka skim 100 sngi

Haba kylli, u BDO ula ong katkum ka jingiathuh u secretary VEC Pdengshakap Khmihlang Surong ula ong ba ia kane ka pisa ula pyndonkam bakla marwei bad ym don kino kino kiba donkti ne iasylla lang. U BDO ula ong ruh ba kane ka pisa ka dei kaba la thep haka account jong ka VEC namar ba kine ki shnong ki jngai na ki jaka ba don ki bank (katkum ka rukom kaba kila leh naduh ba pyntrei iaka skim).

Shuh shuh u BDO ula ong ba kane ka pisa ka dei na ka bynta ki jingtrei kiba la rim bad ka dei ka bai tiar (material cost) bad ha u snem 2020-21 kane ka shnong kam shym la pan kino kino ki kam ne ki jingtrei naka ophis jong u.

U BDO ula ong ba ula pynkhreh iaka report ban ai sha kiba halor ka bor synshar district ban ai iaka rai ba khatduh.