Kular u Bah Hek ban pynbun nongtrei ha Sutnga CHC

Syllad | The Rising MeghalayaSeptember 16, 2020

U Myntri ka tnad ka Koit ka Khiah uba la hiar sha Sutnga CHC haka sngi ba Ar ula kular ban thung nongtrei shuh shuh ha Sutnga CHC ban pynbha iaka jingshakri kane ka aspatal bad ula bthah ia u DHS Dr. Aman War ban pynmih iaka hukum ban wanrah biang ia baroh ki nongtrei kiba la ju trei ha Sutnga CHC.

Ula ong “Ki doktor ha kane ka aspatal ki dei ban ai ka jingshakri kaba bha tam khnang ban pynshlur bad ban wanrah iaka jingsngewskhem u paidbah khamtam ki longkmie kiba kha ba pun ban shah sumar ha kane ka jaka sumar bad ba kin lait ban leit shah sumar sha sor ne sha kiwei kiwei ki jaka sumar.”

“Kane ka aspatal kala biang naduh shadong ka don ki doktor, ki nurse bad baroh ki jingdonkam kane ka aspatal ka tnad ka koit ka khiah kan pynbiang” ong shuh shuh u Bah Hek.

Ula khot wer ruh iaki nongialam shnong bad ki nongmihkhmat ka thain, ki doktor, ki nurse bad ki Asha ban iatreilang ha kano kano ka kam kaba iadei bad ka koit ka khiah u paidbah ka thain.

Ka dorbar shnong Sutnga kala ai ruh da ka dorkhat sha u Myntri ka tnad ka koit ka khiah.