Kular u Conrad ban pyllait ka tulop JHADC hapoh shi taiew

Syllad | The Rising MeghalayaMay 27, 2020

U Myntri Rangbah ka sorkar Jylla u Conrad K. Sangma ula kular ban pyllait hapoh shitaiew iaka tulop kaba shibnai jong nongtrei jong ka Jaintia Autonomous District Council (JHADC).

Ia kane u Conrad K. Sangma ula kular haka jingiakynduh ki MDC jong ka NPP kiba hap hapoh ka 2-Jowai Constituency ba kynthup ia u Ailad Bhoi uba long u Deputy Chairman jong ka JHADC, u Lakhon Dkhar, u Brightstar Chyrmang bad u Octomewot Lamin MDC suhsieh haka jingialam jong u MLA ka Jowai u Ma Wailadmiki Shylla.

Ha kane ka jingiakynduh bad u Myntri Rangbah, ki MDC ki la aiti ruh iaka dorkhat, katkum ka dorkhat kine ki MDC ki la ong ba ka JHADC kam shym la ioh iaka bhah jong u marpoh khyndew ba kynthup ia u dewiong bad mawshun bad kiwei na ka sorkar naduh u snem 2015-17 kaba la shem jingeh iaki ban siew iaka tulop jong ki nongtrei kaba la kynjoh ym duna shuh iaka 8 bnai.

Ha kaba iadei bad kane na ka liang u Myntri rangbah ula kular ba hapoh ka shi taiew un pyllait shwa tang 1 bnai iaka bhah jong ka konsil khnang ba kin ioh ban siew iaka tulop jong ki nongtrei.

Ha kane ka juh ka sngi u MLA bad kine ki MDC ki la leit iakynduh ruh ia u Myntri ka tnad Revenue & Disaster Management Ma Kyrmen Shylla ha kamra treikam jong u na ka bynta ban iarap iaka West Jaintia kaba la shah lyngshop haka bor mariang na ka jingktah ka cyclone Amphan ha kaba kala ppynjulor iaka rep ka riang bad ki iing ki sem jong ki briew bad ki jingtei naduh surok, ki bording eletrik bad kiwie kiwei.