Kular u DC iaka KSU ban pynmih hukum shen ban kynriah iaki shipai BSF na Sonapyrdi

Syllad | The Rising MeghalayaMay 2, 2024

U Deputy Commissioner, East Jaintia Hills District Abhilash Baranwal haka 1 tarik Jymmang ula kular iaki dkhot ka Khasi Students’ Union (KSU), East Jaintia Hills ba shen un pynmih iaka hukum ban pynkynriah mardor iaki shipai BSF na Sonapyrdi.

“U DC ula iathuh ba ka jingiakren ka long kaba seisoh bad hapoh kine ki khyndiat sngi un pynmih iaka hukum ban kynriah iaki BSF na katei ka jaka,” la ong u president ka KSU EJHDU u Bah Streamly N Suchen ha u kyrwoh.

Ula byrthen ruh ba ki paidbah kim banse ban mih paidbah biang lada jia ba ym kynriah ia ki BSF na Sonapyrdi.

U Bah Stream ula ong ba ka jingdon jong ki BSF ha kane ka jaka kala buh jingeh iaki paidbah bad kane ka paw shai da ka jingmih paidbah jong ki ban pyrshah bad ka dawa kyrkieh ban shimkhia ia kane ka mat.

Ka imlang ka sahlang kala pynpaw iaka jingangnud ban kynriah iaki shipai bad ka long kaba kongsan ba ki paidbah kin ioh jingtip ha kaba iadei bad kane ka mat.

Lah ban pynkynmaw ba ka KSU kala phah iaki dorkhat sha ki tnad ba dei peit bad sha ka miej u myntri kam pohiing naduh u snem bala dep.

Ha kajuh ka por ka ka KSU ka pynpaw ka jingsngewnguh ia ka bor district kaba la shimkhia ban khot iakren bad ki BSF bad ka kyrmen kan long kaba seisoh, bad ka seng kan iai buddien halor kane ka mat ha ki sngi ban wan.